Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysy ekologııa departamentiniń basshysy 11 jylǵa sottaldy

2021 jyldyń 17 qyrkúıek 2021 17:41

NUR-SULTAN. QazAqparat – Tekserý qorytyndysyn burmalap jazǵany úshin 30 mln teńge para aldy degen kúdikke ilingen Qyzylorda oblysy boıynsha ekologııa departamenti basshysynyń mindetin atqarýshy 11 jylǵa sottaldy, dep habarlaıdy QazAqparat tilshisi.

Antikor aqparat alańynda Sybaılas jemqorlyqqa qarsy is-qımyl agenttiginiń asa mańyzdy ister boıynsha tergeýshisi Danııar Begaıdarov osy úkimniń mán-jaıyn túsindirdi.

«6 qyrkúıekte Qyzylorda qalasynyń qylmystyq ister jónindegi mamandandyrylǵan aýdanaralyq sotynyń úkimimen «Qyzylorda oblysy boıynsha Ekologııa departamenti» RMM basshysynyń mindetin atqarýshy T.Aptıkalıkov 11 jylǵa bas bostandyǵynan aıyryldy. Al «Petro Qazaqstan Qumkól Resorsız» AQ qoǵamdyq qaýipsizdikti qorǵaý tobynyń jetekshisi S. Pazylovqa 4 jylǵa bas bostandyǵynan aıyrý jazasy kesildi.

T.Aptıkalıkov S.Pazylov arqyly seriktestiktiń ekologııalyq zańnama talaptaryn saqtaýy turǵysynan júrgizilgen keshendi tekserý boıynsha oń sheshim shyǵarǵany úshin jeke kompanııa dırektorynan 30 mln teńge somasynda para alý kúdigine ilingen», - dedi Danııar Begaıdarov.


Joǵary qaraı