Aýa raıy
Astana 6 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblystyq aýyl sharýashylyǵy basqarmasynyń basshysy taǵaıyndaldy

2020 jyldyń 15 qyrkúıek 2020 14:46

QYZYLORDA. QazAqparat - Qyzylorda oblystyq aýyl sharýashylyǵy basqarmasynyń basshysy taǵaıyndaldy, dep habarlaıdy QazAqparat tilshisi.

Bul qyzmetke Qoıshybaev Shahmardan Sultanbekuly keldi. Sh. Qoıshybaev 1974 jyly dúnıege kelgen. Qazaqtyń Eńbek Qyzyl Tý ordeniniń memlekettik aýyl sharýashylyǵy ınstıtýtyn «ǵalym-agronom», «Bolashaq» ýnıversıtetin «ekonomıka» mamandyqtary boıynsha bitirgen.

Eńbek jolyn 1990 jyly Shıeli aýdanyndaǵy Y.Jaqaev atyndaǵy sharýa qojalyǵynyń jumysshy retinde bastaǵan. 1996-2005 jyldary Y.Jaqaev atyndaǵy kolhozdyń agronomy, «Shahmardan» sharýa qojalyǵynyń tóraǵasy, Shıeli aýdany ákimi apparatynyń uıymdastyrý-baqylaý jáne kadr jumysy bóliminiń jetekshi mamany boldy.

2005-2010 jyldary Qyzylorda oblysynyń aýyl sharýashylyǵy basqarmasynyń bólim basshysy, Qyzylorda oblysy ákimi apparatynyń uıymdastyrý-ınspektorlyq jumys jáne aımaqtyq damý bóliminiń bas ınspektory qyzmetterin atqardy.

2010-2012 jyldary Qazaly aýdany ákiminiń orynbasary, Qyzylorda oblysynyń aýyl sharýashylyǵy basqarmasy bastyǵynyń orynbasary boldy.

2012 jyldan osy kezge deıin Qyzylorda oblysynyń jer qatynastary basqarmasynyń basshysy qyzmetin atqaryp keldi.


Joǵary qaraı