Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda mektepterinde sanıtarlyq talaptar qatań qadaǵalanady

2021 jyldyń 13 qyrkúıek 2021 04:00

QYZYLORDA. QazAqparat - Qyzylorda oblysynda mektepterde sanıtarlyq talaptardy qadaǵalaý maqsatynda turaqty túrde tekserý júrgiziledi, dep habarlaıdy QazAqparat tilshisi.

Bul maqsatta Qyzylorda oblysynyń sanıtarııalyq-epıdemıologııalyq baqylaý departamentiniń mamandary naqty is-sharalardy qolǵa aldy. Departamenttiń aýmaqtyq basqarmalary júrgizgen erekshe tártip boıynsha tekserýmen 280, jospardan tys tekserýmen 191 mektep qamtyldy.

Nátıjesinde sanıtarııalyq talaptardy buzǵany úshin 252 sanıtarııalyq nusqama berilip, 324 ákimshilik aıyppul salyndy. Al 3 mekteptiń sanıtarııalyq-epıdemıologııalyq qorytyndysyz jumys isteýi boıynsha olardyń jumysyn ýaqytsha toqtatý týraly sheshim qabyldandy. Anyqtalǵan kemshilikter búgingi kúni qalpyna keltirildi.

«QR Bas memlekettik sanıtarııalyq dárigeriniń 2021 jylǵy 25 tamyzdaǵy №36 Qaýlysyna sáıkes koronovırýs ınfektsııasynyń aldyn alý, oqýshylar men ustazdardyń qaýipsizdigin saqtaý maqsatynda birqatar sharalar atqarylýda. Barlyq mektep baılanyssyz termometrler, sanıtaızerler, antıseptıkter, zalalsyzdandyrý kilemsheleri men zalalsyzdandyrý dármekterimen jetkilikti qamtamasyz etildi», - dedi blystyq sanıtarııalyq-epıdemıologııalyq baqylaý departamentiniń bólim basshysy Almash Shýaqbaeva.

Vedomstvo málimetinshe, mektepke deıingi uıymdar, jalpy bilim beretin orta mektepter men kásiptik jáne tehnıkalyq bilim berý uıymdary «Ashyq» qosymshasyna tolyq qosyldy.

Bilim berý uıymdaryndaǵy koronavırýs ınfektsııasy boıynsha aýrýshańdyq kórsetkishteri departament mamandary tarapynan kún saıyn monıtorıng júrgizilip, baqylaý jasalýda.

Eske salsaq, Qyzylorda oblysynda muǵalimderdiń 95%-y koronavırýsqa qarsy vaktsına saldyrdy.



Avtor Ádiljan Úmbet
Basty sózder: Medıtsına, Qyzylorda oblysy,
Joǵary qaraı