Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda áýejaıy halyqaralyq standartqa saı jańartylady

2021 jyldyń 13 qazan 2021 10:43

QYZYLORDA. QazAqparat - Qyzylorda oblysynda halyqaralyq standarttarǵa saı áýejaı termınaly qoldanysqa beriledi, dep habarlaıdy QazAqparat tilshisi.

Syr óńirinde áýe kóligi boıynsha Qorqyt Ata áýejaıy arqyly aptasyna 23 turaqty reıs qatynaıdy. Toǵyz aıdyń esebi boıynsha áýejaıda 103,18 myń jolaýshyǵa qyzmet kórsetilgen.
Qazirgi tańda áýejaıdyń qoldanystaǵy jolaýshylar termınalyn keńeıtýge jumystar júrgizilýde. Búgingi kúni jobalaý-smetalyq qujattama ázirlendi. Oǵan memlekettik saraptamadan oń qorytyndysy alyndy.
«Jobaǵa sáıkes, termınaldyń aýdany qazirgiden eki esege ulǵaıtylady. ıAǵnı shamamen 1400 sharshy metrge keńeıedi. Keńeıtilgen áýejaı termınalynda barlyq halyqaralyq standart talaptaryna saı jolaýshylarǵa qyzmet kórsetýge qajetti jaǵdaılar qarastyrylady», - dedi oblystyq jolaýshylar kóligi jáne avtomobıl joldary basqarmasynyń basshysy Murat Tleýmbetov.
Sondaı-aq, bıyl avtomobıl kóligi arqyly 52,3 mln. jolaýshy tasymaldandy. Koronavırýs pandemııasy jolaýshylar aǵymynyń tómendeýine áser etti. Jolaýshylar men tasymaldaýshylarǵa qala men aýdan ortalyqtaryndaǵy 3 avtovokzal jáne 8 avtostansa qyzmet kórsetýde.
«Óńirden ótetin magıstraldyq temir jol jelisiniń jalpy uzyndyǵy - 1051,7 shaqyrymdy quraıdy. Al jolaýshylarǵa 8 temir jol vokzaly qyzmet kórsetedi. Oblys aýmaǵynan barlyǵy 19 jup jolaýshy poıyzy, onyń ishinde oblys ortalyǵynan 5 jup poıyzy uıymdastyrylǵan.
Eske salsaq, Qyzylordada bıyl uzyndyǵy 355 shaqyrym avtomobıl joly men kópir ótkeli jóndeýden ótti.


Avtor Ádiljan Úmbet
Basty sózder: Qyzylorda oblysy, Qoǵam,
Joǵary qaraı