Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylqaınar aýylyna 70 jyldan keıin aýyz sý tartyldy – Jambyl oblysy

2021 jyldyń 18 qańtar 2021 07:27

TARAZ. QazAqparat – Taraz qalasyna irgeles jatqan Jambyl aýdanyna qarasty Qyzylqaınar aýylyna 70 jyldan keıin jańa qubyr tartylyp, ortalyqtandyrylǵan aýyz sý júıesine qosyldy. Osy ýaqyt aralyǵynda eldimeken turǵyndary taý bókterinen bulaq saýyn iship kelgen bolatyn,- dep habarlaıdy QazAqparat tilshisi.

Jalpy, Jambyl aýdanynda 42 eldimeken bolsa, onyń 29-yna ortalyqtandyrylǵan aýyz sý júıesi tartylǵan. Olardyń qatary taǵy da artyp otyr. Naqtyraq aıtsaq, 3000 turǵyny bar Qyzylqaınar aýyly aýyz sýǵa qosylyp, turǵyndardyń qýanyshy eselendi. Joba – memlekettik «Jumyspen qamtýdyń jol kartasy» baǵdarlamasy arqyly júzege asyryldy. Baǵdarlama aıasynda 740 mln 760 myń teńge bólinip, 950 aýlaǵa sý júıesi tartylǵan.

Qyzylqaınarlyqtar osy kúnge deıin Keńes tusynda tartylǵan tozyǵy jetken qubyrlar arqyly, taý sýyn paıdalanyp kelgen bolatyn. Alaıda, eskirgen qubyrlar keletin taý sýynyń quramy sońǵy kezde ózgerip, sapasy da tómendeı bastaǵan.

«Týyp ósken mekenin kim jaman desin. Aýylymyzdaǵy sý qubyrlarynyń tozyǵy jetken bolatyn. Onyń ústine sý qoryda jyl saıyn tómendep keledi. Al, jańa sý munarasy bizdiń kópten kútken tileýimiz edi. Araǵa 70 jyl salyp, aýylishilik kóshege qubyrlar tartylyp, ár aýlaǵa sý tetikteri ornalastyryldy. Osy oraıda aýyldaǵylardyń turmysyn jaqsartýǵa úles qosyp júrgen barsha basshylarǵa alǵysymdy bildiremin», – deıdi aýyldyń baıyrǵy turǵyny Kenjetaı Qurmanqulov.

Aýdan basshylarynyń sózine súıensek, óńirde aýyz sý máselesi «Jumyspen qamtýdyń jol kartasy», «Óńirlerdi damytý» baǵdarlamalary aıasynda júıeli túrde sheshimin taýyp keledi. Aǵymdaǵy jyly Shoqaı aýylynyń aýyz sý qubyrynyń qurylysy aıaqtalyp, paıdalanýǵa beriledi dep kútilýde.

Joǵary qaraı