Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylaǵash sý qoımasy qaıta qalpyna keltirildi

2021 jyldyń 22 jeltoqsan 2021 21:53

TALDYQORǴAN. QazAqparat - Almaty oblysyndaǵy Qyzylaǵash sý qoımasyn qaıta jańartý jáne qalpyna keltirý jumysy aıaqtaldy, dep habarlaıdy QazAqparat tilshisi.

Esterińizge sala keteıik, 2010 jyldyń naýryz aıynda kóktemgi sý tasqyny saldarynan qoıma tolyǵymen buzylǵan bolatyn.

Tek uzyndyǵy 263 metr tonneldik sý shyǵarý júıesi ǵana saqtaldy.

Qalpyna keltirý jumysy 2016 jyldan beri júrgizilip keledi.

Osy joba boıynsha bas merdiger - «Qazsýshar» RMK Almaty fılıaly. Tehnıkalyq qadaǵalaýdy «Stroyınjınırıng» JShS, avtorlyq qadaǵalaýdy - «Kazgıprovodhoz Instıtýty»ÓK júrgizdi. Joba quny-5,6 mlrd teńge.

Sý qoımada bóget qalpyna keltirilip, tonneldik sý jiberildi. Sý jınaǵysh gıdrotorap salyndy.

Gıdrotorap pen bógetti avtomattandyrý jáne beınebaqylaý jumystary júrgizildi. Sondaı-aq, dıspetcher bólmesi bar eki páterli úsh turǵyn úıdiń, jasandy qurylystary bar eksplýatatsııalyq joldyń qurylysy júzege asyryldy.

Sý jınaǵysh sý toraby men bógetti elektrmen jabdyqtaldy. Sý toraby men bógetti sýmen jabdyqtaý jáne káriz júıesi qamtamasyz etildi.

«Kazgıprovodhoz» ÓK jobalaý ınstıtýtynyń usynystaryna sáıkes 2020 jyldan bastap sý qoımasynda sýdyń synaq jınaǵy júrgizilýde. Oń synaq qorytyndysy boıynsha 2022 jyly nysan paıdalanýǵa beriledi.

Jobanyń maqsaty - tolyq syıymdylyǵy 42,65 mln m3 sý qoımasyn, 1,4 myń ga alqaptaǵy qoldanystaǵy sýarmaly jerlerdiń sýmen qamtamasyz etilýin arttyrý jáne jalpy sýarý alańyn 6,7 myń ga deıin jetkize otyryp, jańa sýarmaly jerlerdiń 5,3 myń ga ósimin arttyrý úshin sý torabyn jáne sol jaǵalaý arnasynyń bas bóligin qalpyna keltirý.

Bul óz kezeginde Aqsý aýdanynyń áleýmettik-ekonomıkalyq damýyna oń áser etedi. Jańa jumys oryndary qurylady, halyqty jumyspen qamtý deńgeıi artady.

Sý qoımasynyń tolyq syıymdylyǵy 42,65 mln. m3, paıdaly syıymdylyǵy – 36,95 mln. m3 quraıdy.

Sý qoımasynyń jobalyq sýarý qabileti – 6680 ga, onyń ishinde sol jaǵalaýda – 3610 ga, oń jaǵalaýda – 2193 ga, onyń ishinde 5,3 myń ga jańa jerler.

Aıta keteıik, Qyzylaǵash sýarý alqabyn ıgerý Almaty oblysynyń damý syzbasyna engizilgen bolatyn.

1993 jyly uzyndyǵy 1,8 km magıstraldy qubyr jelisi jáne 1420 ga sýarmaly alaby bar sý qoımasy men sý torabynyń qurylysy aıaqtaldy.

2012 jyly Qyzylaǵash sý qoımasy ortalyq ýákiletti organdardyń kelisimi boıynsha (QR AShM Sý resýrstary komıteti, QR QM Memlekettik múlik jáne jekeshelendirý komıteti) Almaty oblysy ákimdiginiń qaýlysymen «Qazsýshar»RMK balansyna respýblıkalyq menshikke berildi.

Odan keıin «Qazsýshar» RMK Almaty fılıaly sý qoımasyna deıin uzyndyǵy 12 km avtomobıl joly men uzyndyǵy 16 km elektr berý jelisin saldy.


Sýret: turkystan.kz


Joǵary qaraı