Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Qyzyl aımaqta» 5 óńir qalyp otyr: Asqar Mamın vedomstvoaralyq komıssııa otyrysyn ótkizdi

2020 jyldyń 23 qarasha 2020 19:49

NUR-SULTAN. QazAqparat - QR Premer-Mınıstri Asqar Mamın el aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysyn ótkizdi. QazAqparat bul týraly primeminister.kz saıtyna silteme jasap habarlaıdy.

QR Prezıdenti Qasym-Jomart Toqaevtyń bıylǵy 16 qarasha kúni ótken VAK otyrysynda bergen tapsyrmalarynyń oryndalý barysy qaraldy. Sanıtarlyq-epıdemıologııalyq jaǵdaı jáne qabyldanyp jatqan sharalar týraly Densaýlyq saqtaý mınıstri Alekseı Tsoı, dárilik zattardyń baǵa saıasatyna monıtorıng júrgizý jónindegi jumys týraly Básekelestikti qorǵaý jáne damytý agenttiginiń tóraǵasy Serik Jumanǵarın, otandyq jeke qorǵanysh quraldaryn óndirýshilerdi shıkizatpen qamtamasyz etý týraly Indýstrııa jáne ınfraqurylymdyq damý vıtse-mınıstri Amanııaz Erjanov, ІІM statsıonarlary men áskerı gospıtaldarynyń daıyndyǵy týraly Qorǵanys mınıstri Nurlan Ermekbaev jáne Іshki ister mınıstri Erlan Turǵymbaev, bilim berý sapasyn baqylaýdy kúsheıtý týraly Bilim mınıstri Ashat Aımaǵambetov, óńirlerdegi ahýal týraly Nur-Sultan qalasynyń ákimi Altaı Kólginov, Pavlodar oblysynyń ákimi Ábilqaıyr Sqaqov, Soltústik Qazaqstan oblysynyń ákimi Qumar Aqsaqalov, Qostanaı oblysynyń ákimi Arhımed Muhambetov baıandady.

Koronavırýspen syrqattanýshylyqtyń ósýi Qazaqstannyń barlyq óńirlerinde derlik tirkeldi. Vırýstyń reprodýktıvtilik kórsetkishi respýblıka boıynsha 1,07 quraıdy. Infektsııalyq tósek-oryndardyń tolyǵýy – 22%, reanımatsııalyq tósek-oryndardyń tolyǵýy – 17%.

«Qyzyl aımaqta» 5 óńir qalyp otyr: Shyǵys Qazaqstan, Pavlodar, Qostanaı, Soltústik Qazaqstan, Aqmola oblystary. «Sary aımaqta» 2 óńir bar: Batys Qazaqstan oblysy jáne Nur-Sultan qalasy.

Úkimet basshysy densaýlyq saqtaý, ındýstrııa mınıstrlikterine ákimdiktermen birlesip, medıtsınalyq jabdyqtardy jetkizýdi aıaqtaýdy jáne ınfektsııalyq statsıonarlardyń reanımatsııalyq bólimshelerin tolyq jabdyqtaýdy qamtamasyz etýdi tapsyrdy.

Premer-Mınıstr epıdemıologııalyq ahýaldyń nasharlaýy múmkin jaǵdaıda vedomstvolyq aýrýhanalar men gospıtaldardyń 100% daıyndyǵyn qamtamasyz etýdi tapsyrdy.

Іshki ister, eńbek, bilim, qorǵanys mınıstrlikterine ákimdiktermen birlesip, uıymdastyrylǵan ujymdarda profılaktıkalyq jáne epıdemııaǵa qarsy is-sharalardyń saqtalýyna baqylaýdy kúsheıtý tapsyryldy.

Densaýlyq saqtaý mınıstrligine, ákimdikterge koronavırýs ınfektsııasyna jasalǵan zerthanalyq zertteýlerdiń durystyǵyn (qaıta testileýdi) qamtamasyz etý boıynsha sharalar qabyldaý tapsyryldy. Bul rette zertteýlerdiń ashyqtyǵyn qamtamasyz etý maqsatynda osy jylǵy 1 jeltoqsanǵa deıin zerthanalardy biryńǵaı aqparattyq júıemen ıntegratsııalaý jumysy aıaqtalady.

Densaýlyq saqtaý mınıstrligine bir apta merzimde dári-dármektiń shekti qunyn tómendetý maqsatynda koronavırýsqa qarsy preparattardyń baǵasyn retteý tártibin ózgertý tapsyryldy. Básekelestikti qorǵaý jáne damytý agenttigine QR-daǵy koronavırýsqa qarsy preparattar qunynyń joǵarylaýyna jol bermeý maqsatynda sheteldik farmatsevtıkalyq naryqtardaǵy baǵa konıýnktýrasyna taldaý júrgizý tapsyryldy.


Joǵary qaraı