Qyzyq úshin qyzǵaldaqty kólikpen taptaǵan Saryaǵash turǵyny anyqtaldy

TÚRKІSTAN. QazAqparat – Túrkistan oblysynda kóligimen qyzǵaldaqty taptaǵan kólik júrgizýshisine túsindirý jumystary júrgizildi, dep habarlaıdy QazAqparat tilshisi.

Áleýmettik jelide «Toyota» markaly kóliktiń qyzǵaldaqty taptap júrgen sýreti taralyp jatyr. Aq kólikpen qyzyl qyzǵaldaqty erkin basyp turǵan júrgizýshiniń áreketine qatysty turǵyndar ártúrli pikir bildirip jatyr.
Al, Túrkistan oblysy polıtsııa departamentiniń baspasóz qyzmeti jabaıy dala qyzǵaldaǵy «Qyzyl kitapqa» enbegendikten eshqandaı shara qoldanylmaǵandyǵyn jetkizdi. Sondyqtan tártip saqshylary júrgizýshige tek túsindirý jumystaryn júrgizýmen shektelgen.
Jalpy oqıǵa Saryaǵash aýdanynyń aýmaǵynda oryn alǵan. Tártip saqshylary kóliktiń nomeri boıynsha júrgizýshini izdep taýypty. Al, kólik ıesi bul áreketin qyzyq úshin jasaǵandyǵyn aıtqan.