Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzmet kórsetý oryndary «teń quqyqtar» qaǵıdatymen jumys isteıdi – Ǵalym Shoıkın

2021 jyldyń 23 qyrkúıek 2021 17:12

NUR-SULTAN. QazAqparat – Aqparat jáne qoǵamdyq damý salasyndaǵy qoǵamdyq keńestiń otyrysynda tildik, ulttyq nemese násildik belgileri boıynsha kemsitýdiń, ar-namysy men abyroıyn qorlaýdyń kez kelgen nysandarynyń aldyn alý jónindegi is-sharalar kesheni talqylandy, dep habarlaıdy QazAqparat tilshisi.

QR Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵalym Shoıkınniń aıtýynsha, 2021 jyldyń 9 aıynda etnosaralyq qatynastardy nyǵaıtý jónindegi semınarlar, trenıngter men kezdesýlerdiń kestesi boıynsha osy salada qyzmet etip júrgen 2 myńdaı azamat arnaıy oqýdan ótken.

«Jyl basynan beri óńirler úshin etnosaralyq qatynastar máseleleri boıynsha 9 ádistemelik usynym ázirlendi. Onyń ishinde erekshe atap ótetini – halyqqa qyzmet kórsetý kezinde etnıkalyq, tildik nemese ózge de tıistilik belgisi boıynsha kemsitýlerdi boldyrmaıtyn «teń quqyqtar» qaǵıdattaryn iske asyrý jónindegi ádistemelik usynymdar daıyndaldy. Olar qoǵam belsendilerin, jurtshylyqtyń, jalpy Qazaqstan halqy Assambleıasy etnomádenı ortalyqtarynyń, jastar uıymdarynyń múshelerin tarta otyryp, azamattardyń teń quqyqtaryn qamtamasyz etýdi jáne etnosy boıynsha kemsitýdi boldyrmaýǵa baǵyttalady. Mınıstrlik daıyndaǵan usynystar bıyl óńirlerde arnaıy qurylǵan etnosaralyq qatynastardy damytý bólimderiniń jumysynda keńinen qoldanýǵa engizilýde», - dedi komıtet tóraǵasy.


Joǵary qaraı