Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıdyń kompanııasy koronavırýsqa qarsy vaktsınany tirkeýge ótinish berdi

2020 jyldyń 26 qarasha 2020 08:51

BEIJІŃ. QazAqparat – Qytaıdyń Sinopharm farmatsevtıka kompanııasy QHR-dyń azyq-túlik pen dári-dármekti baqylaý memlekettik basqarmasyna COVID-19-dyń aldyn alatyn vaktsınany tirkeýge ótinish berdi, dep habarlaıdy QazAqparat Sınhýa agenttigine silteme jasap.

Sinopharm jańa koronavırýs ınfektsııasynyń aldyn alý úshin eki ınaktıvtelgen vaktsına jasap shyǵardy. Olar Qytaıdan bólek Perý, Iordanııa, Mysyr, Argentına, Birikken Arab Ámirlikteri jáne basqa da elderde klınıkalyq synaqtyń úshinshi kezeńinen ótip jatyr.

Halyqaralyq synaqtyń úshinshi fazasyna 60 myń erikti qatysyp, olardyń 40 myńnan astamyna eki ınektsııadan salyndy.

Sinopharm synaqtyń qorytyndy kezeńine qatysty eshqandaı málimet bermegenimen, Qytaı bıligi kelesi jyldyń shildesinde kompanııanyń eki eksperımentti vaktsınasyn shuǵyl jaǵdaıda qoldanýǵa ruqsat berdi.





Sinopharm basshylyǵynyń aıtýynsha, vaktsına qaýip tobyndaǵy 1 mln adamǵa salynyp úlgergen.

«Shuǵyl paıdalanýǵa keler bolsaq, biz bir mıllıonǵa jýyq adamǵa vaktsına ektik, biraq qaýipti janama áseri týraly birde-bir habar almadyq, tek jeńil sımptom ǵana baıqalǵan», - dedi Sinopharm bas dırektory Lıý Tszınchjen.

Sinopharm kompanııasy 2020 jyldyń sońyna deıin 100 mln doza vaktsına shyǵarýdy, al kelesi jyly óndiris kólemin 1 mlrd dozaǵa deıin arttyrýdy josparlap otyr.


Avtory Rýslan Súleımenov


Basty sózder: Vaktsına, Qytaı,
Joǵary qaraı