Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıdyń 2 qalasynda koronavırýsqa qarsy vaktsınatsııalaý bastaldy

2020 jyldyń 19 qazan 2020 08:53

BEIJІŃ. QazAqparat – Qytaıdyń shyǵysyndaǵy Chjetszıan provıntsııasynyń Iý jáne Tszıasın qalalarynda jergilikti halyqty vaktsınalaý naýqany bastaldy, dep habarlaıdy QazAqparattyń Qytaıdaǵy menshikti tilshisi.

Vaktsına eriktilerge salynady. 18-den 59 jasqa deıingi tulǵalar vaktsınatsııa alýǵa ruqsat etilgen.

Vaktsınatsııa jospary eki satydan turady. Bir dozanyń quny –200 ıýan (shamamen 30 dollar). Vaktsınany júrgizý aralyǵy 14-ten 28 kúnge deıin.

Vaktsınatsııadan buryn ekpege jazbasha kelisim berip, janama áserler týyndaǵan jaǵdaıda medıtsınalyq saqtandyrýdy rásimdeý kerek.

Erikti kelisim boıynsha jaǵymsyz reaktsııalardyń úsh sanaty sıpattalǵan: jıi jaǵymsyz reaktsııalar, sırek jáne óte sırek janama reaktsııalar. Jıi jaǵymsyz reaktsııalar arasynda: qatty qyzarý jáne isiný, sondaı-aq dene qyzýynyń qysqa merzimde joǵarylaýy. Sırek jaǵymsyz reaktsııalar: qatty qyzarý jáne isiný, qaltyraý. Óte sırek kezdesetin jaǵymsyz reaktsııalardyń ishinde jergilikti aseptıkalyq abstsess, allergııalyq bórtpe, anafılaktıkalyq shok kórsetilgen.





Saqtyq sharalarynyń ishinde buryn COVID-19 juqtyrǵan adamdar, sondaı-aq nýkleın qyshqyly nemese antıdenelerge tapsyrǵan taldaýlar oń nátıje kórsetken adamdar vaktsınatsııaǵa jiberilmeıdi. Júkti áıelderge, bala emizetin analarǵa, sondaı-aq vaktsınatsııadan keıin úsh aıdan keıin balaly bolýdy josparlaǵan adamdarǵa vaktsınatsııany alý keıinge qaldyrý usynylady.

Chjetszıan provıntsııasynyń eki qalasynda da koronavırýsqa qarsy vaktsınany jetkizýshi – Beijing Kexing Zhongwei Biotechnology Co., Ltd kompanııasy, olardyń preparaty klınıkalyq zertteýlerdiń úshinshi satysynda.








Basty sózder: Vaktsına, Qytaı, Koronavırýs,
Joǵary qaraı