Aýa raıy
Astana 17 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Qytaıdan Qazaqstanǵa gýmanıtarlyq júk keldi

2020 jyldyń 4 shilde 2020 18:06

ALMATY. QazAqparat - Koronavırýs indetiniń taralýyna qarsy kúrestegi halyqaralyq kúsh-jiger men yntymaqtastyq sheńberinde Qytaı Halyq Respýblıkasynyń Úkimeti joldaǵan medıtsınalyq gýmanıtarlyq kómektiń kezekti partııasy búgin Almaty qalasynyń halyqaralyq áýejaıyna jetkizildi, dep habarlaıdy QazAqparat QR SІM baspasóz qyzmetine silteme jasap.

Júk quramyna COVID-19 indetin anyqtaýǵa arnalǵan 50 myń test-júıeler, sondaı-aq 70 myń qorǵanys kózáınegi, 150 myń medıtsınalyq qolǵaptar, 1000 — túıispesiz termometrler, 30 myń qorǵanys kostıýmderi men 600 myń maskalar kirdi.

Qorǵanys quraldary medıtsınalyq mekemeler men uıymdar arasynda taratylady.

Qazaqstan Syrtqy ister mınıstrligi QHR Úkimetine jahandyq pandemııa jaǵdaıynda usynylǵan gýmanıtarlyq júk úshin rızashylyǵyn bildiredi. Bizdiń qytaılyq áriptesterimizdiń ıgi áreketi Qazaqstan men Qytaı arasyndaǵy máńgilik jan-jaqty strategııalyq áriptestikti odan ári nyǵaıtýǵa degen bekemdigin kórsetedi.


Basty sózder: QR SІM, Qytaı, Koronavırýs,
Joǵary qaraı