Aýa raıy
Astana 1 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıdaǵy marafonda qazaqtyń salt-dástúri dáripteldi - Sheteldegi qazaq tildi BAQ-qa sholý

2020 jyldyń 27 qyrkúıek 2020 10:30

NUR-SULTAN. QazAqparat- «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

548 ana – «Ana dańqy» ordenimen marapattaldy - Kaznews


Mońǵolııa Prezıdenti Haltmaagıın Battýlga 20 qyrkúıekte Baıan-Ólgıı aımaǵyna jumys saparymen keldi. Jumys sapary aıasynda ol 548 anaǵa «Ana dańqy» ordenin tabystap, marapattalǵan analardy quttyqtady, dep habarlaıdy mońǵolııalyq Kaznews aqparattyq portaly.

Atalǵan BAQ-tyń dereginshe, I–shi dárejeli «Ana dańqy» ordenimen 82, II-shi dárejeli «Ana dańqy» ordenimen 466 ana marapattalǵan.









Naýaı unatpaıtyn adam - «ÓzA» aqparattyq agentti


Osy aptada «ÓzA» aqparattyq agenttigi «Naýaı unatpaıtyn adam» degen taqyryppen adam minezine qatysty ózbek halqynyń maǵynasy tereń ertegisin usyndy.

«Birde Húseın Baıqara sultan kómekshileriniń ósek sózine senip qalyp, Álisher Naýaıdi zyndanǵa japtyrady. Artynan onyń kinásiz ekeni anyqtalyp, sultan Hýseın shaıyrdy qapastan bosatyńdar degen pármen beredi. Biraq Naýaı muny oryndaǵysy kelmeı, bárine estirtip «ol neǵylǵan patsha bir aıtqan sózinde turmaıtyn« dep, bostandyqqa shyǵýdan bas tartypty. Al, bıleýshiniń buıryǵy esh talqylaýsyz oryndalatyn bolǵandyqtan saraı qyzmetshileri Naýaıge «zyndannan shyǵyńyzshy« dep qansha jalynsa da, aıtqandaryna kóndire almaıdy. Bolmaǵan soń Naýaıdiń jaqyn bir tanystarynyń aqyly boıynsha, keremet bir myljyń kisini taýyp, ony aqynnyń janyna tastaıdy. Bir saǵatqa jetpeı-aq ana myljyń aqymaq, óziniń bos áńgimesimen Naýaıdiń mıyn ashytyp, mezi qylǵany sonshalyq, shaıyr eki qolyn tóbesine qoıyp qashyp ketýge shaq qalady. Aqyr sońynda amal joq mynadaı esýastan qutylý úshin, zyndannan shyǵýǵa kelisim bergen eken», dep jazady «ÓzA» aqparattyq portaly.




4 myń jyldyq toqyma stanoktary tabyldy - TRT


Túrkııadaǵy Denızlıdiń Chıvrıl aýdanynda júrgizilgen qazba jumystary kezinde 4 myń jyl burynǵy toqyma stanoktarynyń bólikteri, toqyma buıymdary men kerek-jaraqtar tabyldy, dep habarlaıdy Túrkııa Radıo Televızııa portaly.

Atalǵan aqparat kóziniń keltirgen deregine súıensek, Selchýk dáýirindegi Behıdje Sultan mazaryndaǵy qazba jáne qalpyna keltirý jumystaryn doktor Eshref Abaı bastaǵan top jalǵastyryp jatyr.

Eshref Abaı jumys barysynda aımaqtyń toqyma tarıhy týraly mańyzdy jańa aqparatqa qol jetkizgenderin málimdegen.

«Buǵan deıin olar 3600 jyldyq dep boljaǵan toqyma materıaldarynyń bólikterin osy aımaqtan tapqan. Munda b.z.d. 1700 jylǵa deıin salynǵan ǵımarat anyqtalǵan. Bul qural-jabdyqtar aýqatty otbasyna tıesili bolýy múmkin dep topshylanýda. Sondaı-aq, óte úlken qoımalary da bar osy ǵımaratta tóńirektegi elderden ımporttalǵan buıymdar da tabyldy», dep habarlaıdy TRT.





Aqsaıdaǵy marafonda qazaqtyń salt-dástúri dáripteldi - Qytaıdyń «Ortalyq halyq radıosy» (CNR)


20 qyrkúıek kúni Qytaıdyń Gansý ólkesi, Aqsaı qazaq avtonomııaly aýdanynda qazaqtyń ulttyq ereksheligin, salt-dástúrin, mádenıetin qoldaýdy maqsat etken marafon ótti, dep habarlaıdy Qytaıdyń «Ortalyq halyq radıosy».

Jarys jeńimpazdaryna ultymyzdyń dástúri boıynsha aq jaýlyqty ájelerimiz shashýyn shashyp, aqsaqaldar aq batasyn bergen. Aqsaıdaǵy ózge ult ókilderi de qazaqy dástúrlerdi dáripteýdi maqsat etken bul toıǵa qoldaý bildirgen. Marafonǵa qatysýshylarǵa toıǵa jınalǵan jergilikti jurt barynsha jankúıerlik tanytty. Sóıtip, qazaqtyń ulttyq erekshelikterin dáripteý maqsatyndaǵy ár ultqa kezekpen kelip otyratyn bul jolǵy dástúrli marafon oıdaǵydaı ótken.

«Qýanyshty merekede at qulaǵynda oınap ósken halqymyzdyń ulttyq sport oıyndary retinde qyz qýý, kókpar, aýdaryspaq syndy oıyndary barsha jurtqa kórsetilip, kóshpendi halyqtyń mádenıetin ózge ult ókilderi tamashalady. Aqsaı aýdandyq mádenıet úıindegi ánshilerdiń áni men bıshilerdiń myń buralǵan bıleri qazaq ultynyń mádenıetin taǵy bir qyrynan tanytqandaı boldy...» dep jazady Qytaıdyń CNR aqparattyq portaly.

Bul jolǵy mádenı is-sharadaǵy marafonǵa qatysýǵa eshqandaı shekteý qoıylmaǵan.

«Іs-sharany Aqsaı qazaq avtonomııaly aýdanynyń halyq úkimeti jáne Gýanchjoý mınzoý mádenıet, sport jáne týrızm bıýrosy uıymdastyrdy. Jarys barysynda erler men áıelder arasynda 5,6 shaqyrymdyq jartylaı marafon uıymdastyryldy. Bul básekege kásipqoı sportshylar, sport áýesqoılary men stýdentter bir alańda básekege túsý úshin jınaldy», dep túıindeıdi Qytaıdyń «Ortalyq halyq radıosy».

















Latyn Amerıkasyndaǵy halyq balalaryna túrik esimderin bere bastady - TRT


Paragvaıda halyq óz balalaryna túrik telehıkaıalary keıipkerleriniń esimderin bere bastady, dep habarlaıdy Túrkııa Radıo Televızııa portaly.

Túrkııalyq BAQ-tyń dereginshe, túrik telehıkaıalaryna tánti bolǵan Latyn Amerıkasy elderindegi halyq balalaryna keıipkerlerdiń esimin bere bastaǵan.

«Paragvaıda kóptegen túrik telehıkaıalary qaralatyn Latyn Amerıkasy elderiniń biri. Ondaǵy «Registro Del Estado Civil» atty resmı uıym óziniń tvıtter-akkaýntynda telehıkaıalardan shabyt alǵan azamattardyń balalaryna qoıylǵan keıbir esimdermen bólisti... Jergilikti adamdar Shehrazad, Kerım, Kemal, Devran jáne Mustafa sııaqty esimderdi balalaryna qoıa bastaǵan...» dep jazady TRT.





Avtor Beısen Sultan
Basty sózder: BAQ,
Joǵary qaraı