Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıda nóser jaýynnan keıin qalany sý basyp, 25 adam kóz jumdy

2021 jyldyń 21 shilde 2021 23:48

ChJENChJOÝ. Sınhýa-QazAqparat - Qytaıdyń Henan provıntsııasynda nóser jańbyrdan qaza tapqandar sany 25-ke jetti, dep habarlaıdy QazAqparat Sınhýa agenttigine silteme jasap.

Henandaǵy (Ortalyq Qytaı) nóser jaýynnan keıin 25 adam mert boldy, taǵy 7 adam iz-túzsiz joǵalyp ketken.

Bul jaıynda jergilikti bılik sársenbi kúni keshkisin ótkizgen baspasóz máslıhatynda málim etti.

«Óńirde 16 shildeden beri jańbyr quıyp tur. Odan 1,24 mıllıonnan astam adam zardap shekken. Provıntsııada turatyn shamamen 164 710 adam qaýipsiz jerge evakýatsııalandy»,- dep habarlady baspasóz konferentsııasynda Henan provıntsııasynyń sý tasqyny jáne qurǵaqshylyqpen kúres jónindegi shtabynyń keńse bastyǵy Sıýı Chjýn.

Biz buǵan deıin Qytaıdyń Chjenchjoý qalasynda nóser jańbyr saldarynan kólik qatynasy toqtap, elektr qýatynyń jumysy buzylǵanyn habarlaǵan bolatynbyz.

Sý deńgeıi qatty kóterilgendikten qaladaǵy jol qozǵalysy tejelgen. 80-nen astam avtobýs marshrýtynyń qozǵalysy ýaqytsha toqtatylǵan, metro da júrmeıdi.

Nóser saldarynan qalanyń birneshe aýdany sýsyz jáne elektr jaryǵynsyz qaldy.

Joǵary qaraı