Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıda halyqtyń 76,8% koronavırýsqa qarsy vaktsınalandy

2021 jyldyń 26 qarasha 2021 10:16

BEIJІŃ. QazAqparat – Qurlyqtyq Qytaıda 1,08 mlrd adam koronavırýsqa qarsy vaktsınalaýdyń tolyq kýrsynan ótti, bul el turǵyndarynyń 76,8 paıyzyn quraıdy. Bul týraly Gýanchjoýda (QHR Gýandýn provıntsııasy) ótken Qytaı ınternet-medıa forýmynyń barysynda eldiń jetekshi epıdemıology Chjýn Nanshan málim etti, dep habarlaıdy «QazAqparat» HAA tilshisi.

Ol sondaı-aq Qytaıda COVID-19 juqtyrý deńgeıi 100 myń adamǵa shaqqanda 8,9 oqıǵany quraıtynyn, al ólim deńgeıi - 100 myń adamǵa shaqqanda 0,4-ti qurap otyrǵanyn atap ótti.

Ótken táýlikte qurlyqtyq Qytaıda koronavırýsty juqtyrýdyń rastalǵan jańadan 13 oqıǵasy anyqtaldy, ólim tirkelmegen. Bul rette, vırýsqa shaldyǵýdyń jergilikti 4 jaǵdaıy Lıaonın provıntsııalary (Dalıan qalasy) men Shanhaı qalasynan anyqtalǵan.

Sońǵy resmı málimet boıynsha, qurlyqtyq Qytaıda COVID-19 vırýsyna shaldyqqan patsıentterdiń 94,42% saýyǵyp shyqty. 2019 jyldyń jeltoqsanynan beri koronavırýs juqtyrǵandar sany 98,5 myń adamǵa jetip, 4636 adam qaıtys bolǵan.


Avtory Rýslan Súleımenov


Joǵary qaraı