Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaıda gaz jarylysynan 12 adam qaza taýyp, 138 adam zardap shekti

2021 jyldyń 14 maýsym 2021 08:47

BEIJІŃ.QazAqparat – Hýbeı (Ortalyq Qytaı) provıntsııasynyń Shııan qalasyndaǵy bazarlardyń birinde turmystyq gaz jarylysynan 12 adam qaza taýyp, 138 adam zardap shekti, dep habarlaıdy QazAqparat Sınhýa agenttigine silteme jasap.

Turmystyq gaz jarylysy jeksenbide Shııan qalalyq okrýginiń (Hýbeı provıntsııasy) Chjanvan aýdanynda boldy. Sonyń saldarynan ótken ǵasyrdyń 90-jyldarynyń basynda salynǵan bazardyń eki qabatty ǵımaraty tolyǵymen qırady. Onyń birinshi qabatynda 19 saýda pavılony bolǵan. Budan bólek, joldyń arǵy betinde 46 saýda núktesi ornalasqan.

Іzdestirý-qutqarý operatsııasyna túrli shuǵyl qyzmetterdiń 2 myńnan astam qyzmetkeri jumyldyryldy. Úıindi astynan 138 adam qutqaryldy, barlyq zardap shekkender aýrýhanaǵa jatqyzyldy. 37 adamnyń jaǵdaıy aýyr dep baǵalanady. QHR Tóraǵasy Sı Tszınpın tıisti vedomstvolar men jergilikti bılik organdaryna gaz jarylysynan zardap shekken adamdardy qutqarý jáne oqıǵanyń sebepterin ýaqtyly tergeýge bar kúsh-jigerin salýdy tapsyrdy.


Basty sózder: Álem, Qytaı,
Joǵary qaraı