Aýa raıy
Astana -8 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Qytaı topyraq úlgisin ákelý úshin Aıǵa ǵarysh apparatyn ushyrdy

2020 jyldyń 24 qarasha 2020 08:51

BEIJІŃ. QazAqparat – Qytaı seısenbi kúni Ońtústik Qytaıdaǵy Haınan araldyq provıntsııasyndaǵy Venchan áýe aılaǵynan Aıdy zertteý úshin «Chane-5» zondy bar «Chanchjen-5» zymyranyn ushyrdy, dep habarlaıdy QazAqparattyń menshikti tilshisi QHR Memlekettik ǵarysh basqarmasy (MǴB) habarlamasyna silteme jasap.

Zondtyń mindeti – Aıdyń betinen topyraq úlgisin jınap, Jerge jetkizý. «Chane-5» Aı zondy Jerge 2 keli topyraq úlgisin ákeledi dep josparlanyp otyr.

Esep boıynsha, ǵarysh apparaty Aıdyń betine bıyl jeltoqsannyń basynda qonady. Jalpy zondtyń ushý ýaqyty 20 kúnnen asady.

Salmaǵy 8,2 tonna «Chane-5» zondy orbıtalyq, qonýshy, qaıtýshy jáne ushý modýlderinen turady.

MǴB Ǵarysh ınjenerııasy jáne Aıdy zertteý ortalyǵynyń ókili Peı Chjaoıýıdiń aıtýynsha, «bul mıssııa ǵaryshkerlerdiń Aıǵa ushyp, ǵaryshty tereń meńgerip, synama alyp, Marstan, asteroıdtan jáne basqa da aspan denelerine ushý úshin negizgi irgetas bolmaq».

«Chane-5» zondy modýlderin aı mańyndaǵy orbıtada túıistirýge negizdelgen kúrdeli tehnologııalyq tásil Aıdaǵy pılottyq mıssııalarǵa tehnologııalyq negiz bolýǵa múmkindik beredi», - dep atap ótti qytaılyq sarapshy.

Eske sala ketsek, Aıdy zertteýge arnalǵan Qytaı baǵdarlamasy 2004 jyly iske qosyldy. Ol úsh kezeńnen turady: Aıdy aınalyp ushý, onyń betine qoný jáne Jerge aıdaǵy topyraq úlgisin jetkizý.


Avtory Rýslan Súleımenov


Basty sózder: Ǵarysh, Qytaı,
Joǵary qaraı