Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qytaı men Reseı Soltústik Koreıaǵa qatysty BUU sanktsııasyn qoldaǵan joq

2022 jyldyń 27 mamyr 2022 11:01

NUR-SULTAN. QazAqparat – Beısenbide BUU Qaýipsizdik Keńesinde zymyran synaqtaryn júrgizgeni úshin Soltústik Koreıaǵa qarsy qatań sanktsııalar engizýge Qytaı men Reseı qarsy shyqty. Bul usynysqa AQSh bastamashylyq etken bolatyn, dep habarlaıdy QazAqparat The Hill-ge silteme jasap.

BUU-daǵy Qytaı elshisi Chjan Tszıýn AQSh-tyń sanktsııalardan basqa usynystardy qarastyrýdan bas tartýyna baılanysty atalǵan rezolıýtsııa jobasy qabyldanbaǵanyn aıtty.

Óz kezeginde Reseı men Qytaı kerisinshe Soltústik Koreıaǵa qarsy sanktsııalardy jeńildetetin rezolıýtsııa usyndy. Olardyń paıymynsha, ashtyq pen koronavırýstyń órshýine baılanysty KHDR gýmanıtarlyq problemaǵa dýshar boldy. Alaıda amerıkalyq tarap bul usynysty qoldamady.

Eger AQSh-tyń usynysy qoldaý tapsa, BUU 2017 jyldan beri alǵash ret Soltústik Koreıaǵa qatysty sanktsııany qatańdatqan bolar edi.


Basty sózder: Álem, Qytaı, Reseı,
Joǵary qaraı