Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qytaı men Ońtústik-Shyǵys Azııa elderin 5 myń km sýasty kabeli baılanystyratyn bolady

2022 jyldyń 17 mamyr 2022 08:45

BEIJІŃ. QazAqparat - 2024 jylǵa qaraı Qytaıdy Ońtústik-Shyǵys Azııa elderimen baılanystyratyn uzyndyǵy 5 myń shaqyrymdyq sýasty kabelder júıesi paıdalanýǵa berilmek. Bul týraly megajoba seriktesteriniń biri bolǵan qytaılyq CMI telekommýnıkatsııa kompanııasynyń málimdemesinde aıtylǵan, dep habarlaıdy QazAqparat.

SEA-H2X dep atalatyn sýasty kabeldik júıesi Gonkong, Haınan, Fılıppın, Taıland, Malaızııa jáne Sıngapýrdy ózara baılanystyryp, bolashaqta Vetnam, Kambodja jáne Indonezııaǵa deıin jetkizilmek. Ótkizý qabileti 160 terabıt/sek bolatyn 8 jup optıkalyq talshyqtan turatyn kabeldiń uzyndyǵy 5000 km bolady.

Josparǵa sáıkes, ınfraqurylym 2024 jylǵa qaraı paıdalanýǵa daıyn bolýy tıis.

Jobanyń taǵy bir seriktesi — CUG telekommýnıkatsııalyq kompanııasynyń málimdemesinde sýasty kabeliniń tsıfrlyq dáýirde senimdi, qaýipsiz jáne qoljetimdi jahandyq jelilik qosylymdardy qurý úshin óte qajet ekeni, SEA-H2X aımaqta qýaty joǵary, mańyzdy júıe retinde Gonkong AEA, Haınan EEA jáne Ońtústik-Shyǵys Azııa elderimen baılanysty odan ári jaqsartyp, úzdiksiz saýda, baılanys jáne qarjylyq ıntegratsııaǵa yqpal etetini aıtylǵan.


Basty sózder: Aqparattyq tehnologııalar, Álem,
Joǵary qaraı