Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qytaı fýtboldan Azııa kýbogyn ótkizýden bas tartty

2022 jyldyń 15 mamyr 2022 12:54

BEIJІŃ. QazAqparat - 2023 jylǵy fýtboldan Azııa kýbogyn ótkizý quqyǵyna ıe bolǵan Qytaı eldegi epıdemıologııalyq jaǵdaıǵa baılanysty týrnırdi ótkizýden bas tartty. Bul týraly QazAqparat Azııa fýtbol konfederatsııasyna (AFC) silteme jasap habarlaıdy.

AFC málimdemesinde Qytaı fýtbol qaýymdastyǵynyń 2023 jylǵy Azııa kýbogyn qabyldaı almaıtyny týraly resmı habarlama alǵany atap ótildi. «AFC Qytaıdyń

týrnırdi ótkizýden bas tartýyna ákelgen eldegi COVID-19 pandemııasynan týyndaǵan erekshe jaǵdaılardy eskeredi», - delingen Azııa fýtbol konfederatsııasynyń málimdemesinde.
2023 jylǵy Azııa kýbogy 2023 jyldyń 16 maýsymy men 16 shildesi aralyǵynda Qytaıdyń 10 qalasynda ótýi tıis edi. Jarysqa 24 komanda qatysady.
2023 jylǵy Azııa kýbogyna qatysty kelesi qadamdar týraly tolyq aqparat keıinirek jarııalanady», - delingen AFC baspasóz habarlamasynda.
Buryn habarlanǵandaı, 2022 jyldyń qyrkúıeginde Qytaıdyń Hanchjoý qalasynda ótetin HІH Azııa oıyndary keıinge qaldyryldy. 2021 jyly Chendý qalasynda (Sychýan provıntsııasy) ótýi tıis Dúnıejúzilik jazǵy Ýnıversıada endi 2023 jylǵa shegerildi.
Basty sózder: Fýtbol, Álem, Qytaı,
Joǵary qaraı