Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qytaı chempıonatynda qazaq sportshylary joǵary nátıjege qol jetkizdi - Sheteldegi qazaq tildi BAQ-qa sholý

2021 jyldyń 10 qazan 2021 12:30

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Túrkııa Qazaqstandaǵy ınvestıtsııalaryn eń kóp arttyrǵan úshinshi el - TRT


Túrkııa Qazaqstanǵa 388,7 mıllıon dollar ınvestıtsııa saldy. Túrkııa Amerıka Qurama Shtattary jáne Shveıtsarııadan keıin Qazaqstanǵa eń kóp ınvestıtsııa quıǵan úshinshi el, dep jazady Túrkııa radıo televızııa portaly.

Aıta ketý kerek, Qazaqstan Ulttyq bankiniń kórsetkishterine qaraǵanda, osy jyldyń alǵashqy jartysynda elge tikeleı salynǵan sheteldik ınvestıtsııa deńgeıi 2020 jyldyń sáıkes merzimimen salystyrǵanda 30 paıyzǵa artty. Atalmysh ýaqytta Qazaqstanǵa shetelden 11,1 mıllıard dollar ınvestıtsııa tartylǵan.

TRT-nyń keltirgen derekterine súıensek, osy merzimde Túrkııa Qazaqstanǵa 388,7 mıllıon dollar ınvestıtsııa salǵan. Osylaısha ótken jylmen salystyrǵanda Túrkııanyń Qazaqstanǵa jasaǵan ınvestıtsııasy 79,9 paıyzǵa artqan.




«Bıylǵy jyldyń alǵashqy shıreginde Qazaqstanǵa eń kóp ınvestıtsııa salǵan elderdi retimen aıtsaq: Gollandııa, AQSh, Shveıtsarııa, Reseı, Ulybrıtanııa, Qytaı, Belgııa, Túrkııa, Frantsııa men Ońtústik Koreıa», dep málim etti túrkııalyq BAQ.

Bishkek qalasynda etnıkalyq qazaqtarmen jáne otandastarmen kezdesý ótti - Kaznews


Bul aqparatty osy aptada mońǵolııalyq Kaznews portaly da jarııalaǵan bolatyn.

«Otandastar qory» KEAQ Prezıdenti Nurtaı Ábiqaevtyń qatysýymen 2021 jylǵy 7 qazanda Bishkek qalasynda etnıkalyq qazaqtarmen jáne otandastarmen kezdesý ótti, dep habarlady Kaznews.





Aıta keteıik, 7 qazan kúni Qyrǵyz Respýblıkasynyń Ulttyq kitaphanasynda «Otandastar qorynyń» prezıdenti Nurtaı Ábiqaev baýyrlas eldegi qandastarmen kezdesý ótkizdi.

«Sonymen qatar, Qazaqstan Respýblıkasy Elshiliginiń derekteri boıynsha Qyrǵyz Respýblıkasynda 39 myńǵa jýyq etnıkalyq qazaq turady. Jalpy, qazaqtar Qyrǵyzstan aýmaǵynda turatyn etnostar arasynda 7-shi oryn alady», -dep jazdy mońǵolııalyq BAQ.

Tashkentte Qazaqstan kınosy kúnderi ótti - «ÓzA»


Ótken aptada «Jibek joly jaýhary» atty XIII Tashkent halyqaralyq kınofestıvali aıasynda Qazaqstannyń kınosy kúnderi bastaldy, dep habarlady «ÓzA» aqparat agenttigi.

«Araǵa 24 jyl salyp qaıta jandanǵan kınofestıval aıasynda 14 eldiń kıno týyndysy ózbekstandyq kınosúıer qaýymǵa 1 apta boıy kórsetilmek. Solardyń qatarynda 29 qyrkúıek kúni Ózbekstan Ulttyq drama teatrynda Qazaq kınosynyń kúnderi, rejısser Aqan Sataevtyń «Anaǵa aparar jol» atty kartınasymen ashyldy», dep jazady ózbekstandyq BAQ.








«ÓzA»-nyń dereginshe, ashylý saltanatynda kınofestıvalge qazaqstandyq delegatsııany bastap kelgen «Qazaqfılm» tóraǵasy, rejısser Aqan Sataev sóz sóılep, onda XIII Tashkent halyqaralyq kınofestıvaliniń qaıta jandanýyn zor jetistik retinde baǵalady. Aqan Sataev bastaǵan qazaqstandyq kınogerler qatarynda, Qazaqstan halyq ártisi Nurjuman Yqtymbaev, rejısser Satybaldy Tekeev, Berik Aıtjanov, Arýjan Jazylbekova, Samal Eslıamova syndy t.b akter-aktrısalar boldy.







Ózbekstandyq BAQ-tyń dereginshe, Qazaqstan kınosy kúnderi aıasynda kórsetiler fılmder toptamasy: «Anaǵa aparar jol» (rej. Aqan Sataev), «Muzbalaq» (rej. Turdybek Maıdan, Tilek Tóleýǵazy), «Kúltegin» (rej. Adaı Ábildınov), «Ámire» (rej. Djef Vespa), «Bir sen úshin» (rej. Ardaq Tóleýbaı), «Amanat» (rej. Satybaldy Narymbetov), «Jylqy urylary» (rej. Erlan Nurmuhambetov), «Oralman» (rej. Sábıt Qurmanbekov).

Altaılyq qazaq sportshylary joǵary nátıjege qol jetkizdi - «Aǵajaı-Altaı» portaly


27 qyrkúıekte Qytaıdyń sporttan XIV ulttyq oıyndary aıaqtaldy. Bul báseke el ishindegi eń joǵary deńgeıdegi sporttyń barlyq túrinen ótken chempıonat bolatyn. Jarysta búkil eldegi eń myqty degen sańlaqtar baq synady. Memlekettik chempıonatta Shyńjań atynan kelgen Altaı aımaǵynyń sportshylary bir altyn, 2 kúmis medal enshiledi, dep jazady Qytaıdyń «Aǵajaı-Altaı» aqparattyq portaly.





«Birinshi bolyp altaılyq boksshy Toqtarbek Tańatqanuly erler arasynda 75 keli salmaqta Beıjiń komandasyndaǵy Ulpar Qarqynulyn aıqyn basymdyqpen jeńip, altyn medal aldy, sóıtip búkil Shyńjańnyń, Altaıdyń abyroıyn asyrdy. Ulttyq sport básekesinde erkin kúres túrinen erler arasyndaǵy 74 keli salmaq boıynsha shyńjańdyq 19 jastaǵy balýan Janbota Jekenuly fınalǵa deıin barlyq beldesýlerinen súrinbeı ótip, , kúmis oljalady. Taǵy eki Altaı sportshysy Qaster Ormanuly men Talǵar Ádilbekuly 14-shi Ulttyq chempıonatta Shyńjań atynan fýtbol jarysyna qatynasyp, kúmis medalǵa qol jetkizdi», dep jazdy altxw.com.




Atalǵan BAQ-tyń keltirgen málimetine súıensek, osy joly Shyńjań komandasy atynan Qytaı chempıonatyna qatynasqan sportshylardyń 9-y Altaı aımaǵynan barǵan. Olar boks, kúres jáne fýtbol sekildi jarys túrlerinen baqtaryn synap, basym bóliginen jaqsy natıjege qol jetkizgen.

Álem boıynsha altynshy Abaı mádenı-iskerlik úıi ashyldy - Parstoday


2021 jyly 7 qazan kúni álem boıynsha altynshy «Abaı mádenı-iskerlik úıi» Qyrǵyz Respýblıkasynda ashyldy, dep habarlaıdy Iran Parstoday aqparattyq agenttigi.

Іs-sharaǵa Qazaqstan Respýblıkasy Parlamenti Májilisiniń depýtattary Qazybek Isa men Maqpal Tájmaǵambetova, «Otandastar qorynyń» Prezıdenti Nurtaı Ábiqaev, Qyrǵyz Respýblıkasyndaǵy qazaqtar qaýymdastyǵynyń tóraǵasy Gúlshat Asylbaeva qatysty.

Irandyq BAQ-tyń málimetinshe, «Otandastar qory» KeAQ basym jobalarynyń biri shetelde «Abai Uii» qazaq mádenı-iskerlik úıleriniń (budan ári – «Abai Uii» MІÚ) jelisin qurý bolyp tabylady.

«Abai Uii» MІÚ qyzmetiniń maqsaty: Sheteldegi qazaq ulttyq-mádenı ortalyqtaryn biryńǵaı jelige shoǵyrlandyrý arqyly halyqtyq mádenı muramyzdy kópshilikke keńinen tanytýmen qatar alys-jaqyn shet elderdegi qazaq dıasporalary jáne otandastarmen mádenı-gýmanıtarlyq jáne iskerlik baılanystardy nyǵaıtý, damytý jáne keńeıtý.

Eske sala keteıik, QR AJQDM qoldaýymen jáne QR SІM kelisimi boıynsha shet elderdegi qazaq mádenı ortalyqtary bazasynda 2020 jyly 5 «Abai Uii» MІÚ onlaın-formatta ashylyp, jumys isteýde: Omby (Reseı Federatsııasy), Ystambul (Túrkııa), Tashkent (Ózbekstan), Berlın (Germanııa) jáne Kıev (Ýkraına) qalalarynda.

Sonymen qatar, «Abai Uii» MІÚ saıası nemese kommertsııalyq joba emes jáne Qazaqstan Respýblıkasynyń jeke jáne zańdy tulǵalary men otandastardyń shetelde turatyn ókilderi arasyndaǵy baılanystardy damytý jáne nyǵaıtý maqsatynda áreket etedi.


Avtor Beısen Sultan
Basty sózder: BAQ,
Joǵary qaraı