Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qytaı bıligi Olımpıada qatysýshylaryna koronavırýsqa qatysty talaptardy jeńildetti

2022 jyldyń 25 qańtar 2022 14:20

BEIJІŃ. QazAqparat – Beıjińde Qysqy Olımpıada oıyndarynyń uıymdastyrý komıteti qatysýshylarǵa koronavırýsqa baılanysty qoıylǵan talaptardy jeńildetti. Bul týraly Halyqaralyq Olımpıada komıtetiniń (HOK) málimetinde aıtylǵan, dep habarlaıdy QazAqparat.

HOK málimdemesine saı, PTR-test nátıjesi arqyly vırýsty anyqtaý merzimi azaıtylyp, «jaqyn aralasý» merzimi 14 kúnnen 7 kúnge deıin qysqarady.

Vırýs anyqtalǵan adamdar arnaıy bólingen «ızolıatorlarǵa» karantınge ornalastyrylady. 10 kún karantınde otyrǵannan keıin olardan KVI sımptomdary baıqalmaı, PTR-test úsh kún qatarynan teris nátıje kórsetken jaǵdaıda, olar buryn brondalǵan oryndaryna ornalasa alady.

«Ózgerister (2022 jylǵy Olımpıada oıyndarynda koronavırýsqa qarsy kúres erejeleri) birden kúshine enedi. Olar qazirgi jaǵdaıǵa oraılastyrylyp, Olımpıada qatysýshylaryn qoldaý maqsatynda jasalǵan», - delingen HOK habarlamasynda.

Koronavırýs anyqtalǵan qatysýshylar úshin «Beıjiń-2022» uıymdastyrý komıteti HOK-pen birge qysqa ýaqytta úıge oralýǵa múmkindik beretin bólek sharalar qarastyryp jatyr. Olar týraly jeke habarlanatyn bolady.

«Beıjiń-2022» uıymdastyrý komıteti sportshylar men resmı tulǵalar, Oıyndarǵa kelgen múddeli taraptar ókilderiniń arasynda vırýs juqtyrǵandar boıynsha statıstıka júrgize bastady. 24 qańtardaǵy jaǵdaı boıynsha koronavırýs juqtyrǵandar sany 78-ge jetken.

Qytaılyq BAQ-tyń habarlaýynsha, Qazaqstan quramasy Beıjińge 27 qańtarda ushpaq.

XXIV qysqy Olımpıada oıyndary Beıjińde 2022 jyldyń 4-20 qańtary aralyǵynda ótedi.


Joǵary qaraı