Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qytaı áýe jolaýshylaryna COVID-19 testiniń talaptaryn jeńildetti

2022 jyldyń 20 mamyr 2022 17:05

BEIJІŃ. QazAqparat – Álem eldegi QHR elshilikteri Qytaıǵa ushatyn áýe jolaýshylaryna koronavırýs testteriniń talaptaryn jeńildetip jatyr, dep habarlaıdy QazAqparat menshikti tilshisi.

QHR-dyń AQSh-taǵy, Ispanııadaǵy, Italııadaǵy, Polshadaǵy, Irlandııadaǵy, Danııadaǵy, Taılandtaǵy jáne Eýropa men Azııanyń basqa da birqatar elderindegi elshilikteri Qytaıǵa baratyn sheteldik azamattar úshin COVID-19 testileý erejelerine túzetý engizdi.

Atap aıtqanda, ushaqqa otyrar aldynda bir jáne eki apta buryn keıbir mindetti PTR testteri men IgM antıdenelerin tekserý, sondaı-aq mindetti densaýlyq jaǵdaıyn baqylaý alynyp tastaldy. Onyń ornyna jolaýshylarǵa jolǵa shyǵardan 48 nemese 24 saǵat buryn eki PTR-test jáne 12 saǵat ishinde antıdenelerge bir test tapsyrsa, avıareısterge otyrýǵa ruqsat etiledi.

Qytaıdyń birqatar dıplomatııalyq ókildikteriniń málimdemesinde talaptar birqatar faktorlarǵa, sonyń ishinde qazirgi epıdemııalyq jaǵdaıǵa jáne vırýs nusqalarynyń erekshelikterine baılanysty túzetilgeni aıtylǵan.

2020 jyldan bastap Qytaı halyqaralyq reıster sanyn edáýir qysqartty. Bul indettiń shetelden kelýine jol bermeý úshin jasaldy.

QHR ımmıgratsııa jónindegi memlekettik basqarmasynyń málimetinshe, pandemııaǵa deıingi 2019 jyly shamamen 670 mıllıon adam Qytaı shekarasynan ótse, 2021 jyly bul kórsetkish 128 mıllıon adam bolǵan.


Basty sózder: Álem, Koronavırýs, Áýejaı,
Joǵary qaraı