Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qysqy Olımpıadaǵa Qazaqstannan qandaı sheneýnikter barady

2022 jyldyń 25 qańtar 2022 17:20

NUR-SULTAN. QazAqparat – Ortalyq kommýnıkatsııalar qyzmetindegi baspasóz máslıhatynda Qysqy Olımpıadaǵa Qazaqstan delegatsııasymen qandaı laýazymdy tulǵalar baratyny habarlandy, dep habarlaıdy QazAqparat.

QR Mádenıet jáne sport vıtse-mınıstri Serik Jarasbaev Olımpıadaǵa mınıstr Dáýren Abaev jáne ózi qatysatynyn aıtty. Odan basqa delegatsııa quramynda – 34 sportshy, 20 bapker, 7 qyzmet kórsetýshi, 7 shtab qyzmetkeri jáne 10 dáriger bar.

Sonymen birge, tilshiler «Ulttyq Olımpıada komıtetiniń prezıdenti Tımýr Qulybaev ashylý saltanatyna qatysa ma?» degen suraq qoıdy.

«Olımpıada komıteti basshysynyń qatysýy josparlanǵan. Bul mindetti. Onyń Olımpıadanyń ashylý rásimine qatysýy josparda bar. Olımpıada tek qana kezdesýler men jarystardan ǵana turmaıdy. Kóptegen sessııalar men kezdesýler ótedi. Barlyq jumys Olımpıada oıyndary kezinde qatar ótedi», - dep jaýap berdi UOK Bas hatshysy Andreı Krıýkov.

UOK ókiliniń aıtýynsha, qazaqstandyq delegatsııa quramynda shamamen 100-ge jýyq adam bolady.

«Qazir kovıdtik shekteýlerge baılanysty úlken talaptar bar, sondyqtan koronavırýsqa shaldyqqandar Olımpıadaǵa jiberilmeıdi. Delegatsııa sany áli de naqtylanady, shamamen 100-ge jýyq adam bolýy múmkin», - dedi Andreı Krıýkov.

Buǵan deıin vıtse-mınıstr Serik Jarasbaev Beıjińde ótetin Qysqy Olımpıadaǵa qazaqstandyq sportshylar qalaı jetkiziletinin túsindirgen edi.

Sonymen birge, Qazaqstan Beıjiń Olımpıadasyna 250 mln teńgege jýyq qarajat bólýdi josparlap otyr.



Avtor Aıjan Serikjanqyzy
Basty sózder: Sport,
Joǵary qaraı