Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qysqy Olımpıadaǵa baratyn sportshylar qaı óńirlerden kóp irikteldi

2022 jyldyń 25 qańtar 2022 15:03

NUR-SULTAN. QazAqparat – QR Mádenıet jáne sport vıtse-mınıstri Serik Jarasbaev Beıjińde ótetin Qysqy Olımpıadaǵa sportshylardyń daıyndyǵy týraly aıtyp berdi, dep habarlaıdy QazAqparat.

«Olımpıadaǵa daıyndalý úshin Úkimet tarapynan bar jaǵdaı jasalǵan. Mádenıet jáne sport mınıstrligi UOK birigip, birneshe ret úlken jınalystar ótkizilip, Olımpıadaǵa baratyn komandalardyń daıyndyǵyn naqty baqylaýda ustap tur. Atap aıtsaq, Qazaqstannan 34 sportshy 8 sport túrinen 87 lıtsenzııa alǵan bolatyn. Oblystarǵa bólsek, eń kóp sportshy Shyǵys Qazaqstan oblysynan (9) jáne Almaty qalasynan (8), qalǵandary basqa óńirlerden 3,4,1 sportshydan kózdelip otyr. Frıstaıl, mogýldardan barlyq sportshylar – Shyǵys Qazaqstan ókilderi, ózderińizge belgili, olar – bizdiń eń basty úmitterimiz», - dedi S. Jarasbaev Ortalyq kommýnıkatsııalar qyzmetinde ótken baspasóz máslıhatynda.

Aıta keteıik, XXIV qysqy Olımpıada oıyndary Qytaıdyń Beıjiń qalasynda, 2022 jyldyń 4 men 20 aqpan aralyǵynda ótedi. Onda jalpy sany 109 medal sarapqa salynady. Jarystar Beıjiń qalasynan bólek qasyndaǵy ıAntsın jáne Chjıantszıakoý qalalarynda da bolady.


Avtor Aıjan Serikjanqyzy
Basty sózder: Qytaı, Olımpıada, Sport,
Joǵary qaraı