Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qysqy Olımpıada men Paralımpıadada júlde alǵan sportshylarǵa qansha syıaqy beriledi

2022 jyldyń 25 qańtar 2022 18:06

NUR-SULTAN. QazAqparat – QR Mádenıet jáne sport vıtse-mınıstri Serik Jarasbaev Beıjińde ótetin XXIV Qysqy Olımpıada men Paralımpıadada júlde alǵan sportshylarǵa qansha syıaqy beriletinin aıtty, dep habarlaıdy QazAqparat.

«Júldeli oryn alǵan olımpıadashylar men paralımpıadashylar (1-6 oryn) aqshalaı syıaqy alady. Zańda qarastyrylǵandaı, jeńip alǵan medaldarǵa qaraı páter de bólinedi. Birinshi oryn úshin – 250 myń dollar, odan keıin – 150 myń jáne 75 myń dollar syıaqy bekitilgen. Medal jeńip alǵan jaǵdaıda, bul qarajat QR Memlekettik rezervinen tólenedi», - dedi Serik Jarasbaev Ortalyq kommýnıkatsııalar qyzmetinde ótken baspasóz máslıhatynda.

Brıfıng barysynda vıtse-mınıstr paralımpıada oıyndarynda daıyndyq týraly aıtyp berdi.

«Paralımpıadashylarǵa olımpıadashylar sııaqty birdeı kóńil bólý kerek. Olımpıadashylardy shyǵaryp salý kezinde Prezıdenttiń qabyldaýynda eki paralımpıadashy boldy. Paralımpıada oıyndarynda sportshylarymyz birneshe ese az – oǵan 4 adam ǵana qatysady,onyń ekeýi shańǵy sportynda jáne ekeýi bıatlonda. Daıyndyq qyzý júrip jatyr. 5-25 aqpanda sportshylar oqý-jattyǵý jıynyna – «Alataý» shańǵy-bıatlon keshenine barady. Paralımpıada komıtetimen barlyq máseleler pysyqtaldy. Olardyń sany áldeqaıda az bolǵandyqtan, bar másele jyldam sheshiledi. Biz olarǵa sáttilik tileımiz», - dedi S. Jarasbaev.


Avtor Aıjan Serikjanqyzy
Basty sózder: Sport,
Joǵary qaraı