Aýa raıy
Astana 3 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Qysqartylǵan jumyspen qamtýǵa kóshken jaǵdaıda sýbsıdııalaý tetigi engizilýi múmkin - Nurymbetov

2020 jyldyń 24 qyrkúıek 2020 11:50

NUR-SULTAN. QazAqparat - Qazaqstanda qysqartylǵan jumyspen qamtýǵa kóshken jaǵdaıda eń tómengi jalaqy mólsherinde jalaqynyń bir bóligin óteý nemese sýbsıdııalaý tetigin engizilýi múmkin. Bul týraly QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

«Biz úshin eńbek naryǵyndaǵy ekinshi qater - bul ósip kele jatqan jumys kúshiniń oǵan keltiretin qysymy. Aldaǵy 5 jylǵa taldaý jasap kórdik. jastardyń eń naryǵyna jyl saıynǵy aǵyny 2025 jylǵa qaraı 256 myń adamǵa deıin ósedi dep boljanýda jáne jalpy eńbekke qabiletti halyqtyń sany 12,1 mln adam jetetindigi kútiledi. Búginde eńbekke qabiletti halyq sany - 11,4 mln adam», - dedi mınıstr Májilistegi Úkimet saǵatynda.

Onyń aıtýynsha, tıisti sharalar qabyldanbasa 2022 jyldan bastap jumys oryndaryn qurý ósimi halyqty jumyspen qamtýǵa jetkiziliksiz bolady. Sóıtip, 2025 jylǵa qaraı jumys tapshylyǵy 87 myńǵa jetýi múmkin.

«Sol sebepti aldaǵy kezeńde jumys oryndaryn qosymsha qurý qajettiligi kúrt artyp otyr. Eger karantın qaıta engizilip jatsa, onyń áseri jumyskerlerdiń bosatylýy men tabystarynyń azaıýyna alyp kelýi múmkin. Sondyqtan shuǵyl jáne júıeli sharalar qabyldaýǵa daıyn bolýymyz qajet. Onyń ishinde «Jumyspen qamtý» jol kartasyn jalǵastyryp, ınfraqurylymdyq jobalar arqyly jumys oryndaryn saqtaý jáne qurý sharalary, «Eńbek« baǵdarlamasy aıasynda sýbsıdııalanatyn jumys oryndaryn kóbeıtý, tolyq emes nemese qysqartylǵan jumyspen qamtýǵa kóshken jaǵdaıda eń tómengi jalaqy mólsherinde jalaqynyń bir bóligin óteý nemese sýbsıdııalaý tetigin engizý, karantın kezeńinde jumyssyzdar úshin jumystan aıyrylý boıynsha tólemderdi arttyrý jóninde usynystar engizýdi josparlap otyrmyz. Engizýimiz múmkin»,- dedi Birjan Nurymbetov.


Joǵary qaraı