Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrymbek Kósherbaev shetelde kadr daıarlaý jónindegi komıssııanyń otyrysyn ótkizdi

2021 jyldyń 8 shilde 2021 17:21

NUR-SULTAN. QazAqparat - Qyrymbek Kósherbaev Shetelde kadrlar daıarlaý jónindegi respýblıkalyq komıssııanyń otyrysyn ótkizdi, dep habarlaıdy Aqorda.

Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti.

Memlekettik hatshy atap ótkendeı, «Bolashaq» baǵdarlamasy – bul táýelsiz Qazaqstannyń adamı kapıtaldy damytýǵa jáne ulttyń básekege qabilettiligin arttyrýǵa baǵyttalǵan serpindi jobasy. Shetelde oqý jáne taǵylymdamalardan ótýdiń arqasynda 11 myńnan astam qazaqstandyq ózderiniń kásibı bilimi men biliktiligin arttyrýǵa múmkindik aldy. Pandemııanyń saldarynan týyndaǵan qıyndyqtarǵa qaramastan, biz álemdegi eń myqty ýnıversıtetterde, ǵylymı ortalyqtarda qyzmetkerler men mamandardy oqytýdy jalǵastyra beremiz.

Komıssııa sheshimimen «Bolashaq» halyqaralyq stıpendııasy magıstratýra men doktorantýrada oqıtyn, sondaı-aq, álemniń jetekshi ǵylymı jáne óndiristik ortalyqtaryna taǵylymdamadan ótýge jiberiletin 113 úmitkerge berildi.

Komıssııa otyrysynda «Bolashaq» baǵdarlamasy sheńberinde taǵylymdamadan ótý úshin jańa sanat bekitildi. Soǵan sáıkes endi mádenıet jáne sport salasynyń qyzmetkerleri de atalǵan baǵdarlama boıynsha bilim ala alady.

Qazirgi ýaqytta 612 stıpendıat «Bolashaq» baǵdarlamasy sheńberinde bilim alýda. Onyń 551-i álemniń 19 elinde oqyp jatsa, 61-i Qazaqstan aýmaǵynda júrip, qashyqtan bilim alýda.

Sonymen qatar, 421 stıpendıat akademııalyq oqýǵa, taǵylymdamadan ótýge joldama kútip otyr.

Otyrys qorytyndysy boıynsha Memlekettik hatshy «Bolashaq» halyqaralyq stıpendııasyn odan ári iske asyrý, onyń ishinde, úmitkerlerdi irikteý qaǵıdalaryn jetildirý, otandyq ǵalymdardyń jetekshi ǵylymı-zertteý ınstıtýttar men ǵylymı uıymdarda taǵylymdamadan ótýin uıymdastyrý jóninde birqatar tapsyrma berdi.


Joǵary qaraı