Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrymbek Kósherbaev Saıası qýǵyn-súrgin qurbandaryn aqtaý jónindegi komıssııanyń otyrysyn ótkizdi

2021 jyldyń 16 qyrkúıek 2021 17:25

NUR-SULTAN. QazAqparat - QR Memlekettik hatshysy Qyrymbek Kósherbaev Saıası qýǵyn-súrgin qurbandaryn tolyq aqtaý jónindegi memlekettik komıssııanyń kezekti otyrysyn ótkizdi, dep habarlaıdy Aqorda.

Otyrysta saıası qýǵyn-súrgin qurbandaryn tolyq aqtaý jónindegi memlekettik komıssııanyń aqparattyq jumysy men ǵylymı-baspa qyzmetiniń basymdyqtary jáne Komıssııanyń sheshimderin iske asyrý barysy talqylandy.

Otyrystyń negizgi spıkerleri retinde Bilim jáne ǵylym mınıstri Ashat Aımaǵambetov, Mádenıet jáne sport mınıstri Aqtoty Raıymqulova, Aqparat jáne qoǵamdyq damý vıtse-mınıstri Kemelbek Oıshybaev, Parlament Májilisiniń depýtaty Aıdos Sarym t.b sóz sóıledi.




Qyrymbek Kósherbaev óz sózinde Memlekettik komıssııanyń qyzmetin aqparattandyrý máselesinde ǵylymı negizdilik pen tarıhı obektıvtilikti qamtamasyz etý qajet ekenin erekshe atap ótti.

Sonymen qatar memlekettik komıssııa otyrysynda arhıvterden tabylǵan ǵylymı-zertteý eńbekterdi jahandyq tsıfrlyq kitaphanaǵa engizýge, kórkem-pýblıtsıstıkalyq shyǵarmalardy yntalandyrý jónindegi arnaıy jobalardy iske asyrýǵa nazar aýdaryldy.

Jıyn barysynda óńirlerdegi saıası qýǵyn-súrgin tarıhyn zertteý materıaldaryn basyp shyǵarý úshin múmkindikterdi damytý jáne jastar aýdıtorııasynyń suranystaryna baǵyttalǵan aqparattyq orta qalyptastyrý máseleleri de qaraldy.




Otyrys qorytyndysy boıynsha QR Úkimetine, óńirlerdiń ákimderine aqparattyq jumysta Memlekettik komıssııanyń strategııalyq basymdyqtaryn qamtamasyz etýge, baspasóz jáne tsıfrlyq tehnologııalardyń keń aýqymyn qoldana otyryp, Komıssııanyń zertteý materıaldary boıynsha baspa qyzmetin keńeıtýge baǵyttalǵan tapsyrmalar berildi.







Joǵary qaraı