Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrymbek Kósherbaev Atyraý oblysynyń bir top azamatyna memlekettik nagradalardy tabystady

2021 jyldyń 9 jeltoqsan 2021 15:48

ATYRAÝ. QazAqparat – Memlekettik hatshy Qyrymbek Kósherbaev Táýelsizdik merekesi qarsańynda Atyraý oblysynyń birqatar azamatyna memlekettik nagradalardy tabystady, dep habarlaıdy QazAqparat.

Prezıdent tapsyrmasymen Atyraý oblysyna kelgen Memlekettik hatshy Qyrymbek Kósherbaev Táýelsizdiktiń 30 jyldyǵyna arnalǵan saltanatty is-sharaǵa qatysyp, barsha qazaqstandyqtyń táý eter tuǵyry – Táýelsizdiktiń qundylyǵy, elimizdiń 30 jylda qol jetkizgen jetistigi týraly jan-jaqty aıtyp ótti.

«Biz – erkindikke qoly jetken, arman-muraty teń órilgen dana halyqpyz. Biz – taıqazany ortaımaǵan qazaq degen baıtaq elmiz. Mine, sol baqyt túndigin ashqan Táýelsizdik búginde qut-berekege aınaldy. Biz búgin osy qubylysty erekshe sezinip turmyz. Qazaqstan – yntymaqty uran, tatýlyqty tý etken beıbit el. Búgingi memleketimizdiń qarqyndy damýy – turaqty saıasat pen ishki birliktiń, ulttyq qasıetimiz ben ulttyq qundylyqtarymyzdy ulyqtaı bilgenimizdiń jemisi. Sondyqtan, birligimiz bekem, tirligimiz tııanaqty bolǵanda ǵana Táýelsizdiktiń týy máńgi jelbireıtinin esten shyǵarmaǵanymyz abzal», - dedi Memlekettik hatshy.




Qyrymbek Kósherbaev el Táýelsizdigin tuǵyrly etýge, elimizdiń áleýmettik- ekonomıkalyq damýyna Atyraý oblysynyń erekshe úles qosyp kele jatqanyn atap ótti.

Memlekettik hatshy saltanatty is-shara sońynda Prezıdent Jarlyǵymen berilgen memlekettik nagradalardy ártúrli salada el mereıin asyryp júrgen bir top atyraýlyqqa tapsyrdy.





Joǵary qaraı