Aýa raıy
Astana 17 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Qyrkúıekte Qazaqstan AÓSShK tóraǵasy bolýy múmkin – sarapshy

2020 jyldyń 4 shilde 2020 17:58

NUR-SULTAN. QazAqparat – Bıyl Qazaqstan Azııadaǵy ózara yqpaldastyq jáne senim sharalary keńesine (AÓSShK) tóraǵalyq etýi múmkin. Bul týraly Nursultan Nazarbaev Qory janyndaǵy Álemdik ekonomıka jáne saıasat ınstıtýtynyń basshysy Qaırat Ábýseıitov aıtty, dep habarlaıdy QazAqparat.

«Syrtqy saıasatty aıqyndaýy tıis taǵy bir mańyzdy sát – kópvektorlyq retindegi kontseptýaldy negiz. Biz kópvektorlyqty Qazaqstannyń syrtqy saıası negizi deńgeıine kóterip, óte úlken nátıjelerge qol jetkizdik. Kóptegen beıbit bastamalar boldy, AÓSShK (Azııadaǵy ózara is-qımyl jáne senim sharalary keńesi) ózi nege turady? 1990 jyldardyń basynda jınalys quramyna 16 memleket kirse, búginde 28 tolyq múshe bar. Bul forým áli de jumys isteıdi», - dedi Q. Ábýseıitov ÁESI uıymdastyrǵan onlaın-konferentsııada.

Sonymen birge spıker Tájikstannan keıingi AÓSShK tóraǵalyǵy Qazaqstanǵa berilýi múmkin ekendigin aıtty.

«Meniń oıymsha, qyrkúıekte Qazaqstan keńes qyzmetine jańa serpin berý úshin jáne uıymǵa aınaldyrý úshin qaıtadan tóraǵa mártebesin alady. Meniń boljaýymsha, bul jaqyn arada qolǵa alynady. Izraıl men Iran bir ústelde otyratyn, senim sharalaryn talqylaıtyn mundaı forým álemde joq. Bul óte mańyzdy. 16 memlekettiń eshqaısysy keńesten shyǵyp ketken joq jáne túrli baǵytta jumysty jalǵastyryp keledi», - dedi Q. Ábýseıitov.

Aıta keteıik, AÓSShK – 1992 jyly Nursultan Nazarbaevtyń bastamasymen qurylǵan halyqaralyq forým. Onyń qyzmeti Azııadaǵy beıbitshilikti, qaýipsizdikti jáne turaqtylyqty qamtamasyz etýge baǵyttalǵan.

Qazirgi ýaqytta AÓSShK quramynda Azııanyń 27 memleketi bar. 8 el men 5 halyqaralyq uıym forým baqylaýshylary retinde tirkelgen. 2014 jyldan bastap, forýmnyń shtab-páteri Nur-Sultan qalasynda ornalasqan. 2018-2020 jyldary Tájikstan keńes tóraǵasy bolady.


Joǵary qaraı