Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyrǵyzstanmen shekaradaǵy qaqtyǵys: 10 tájikstandyq zardap shegip, ekeýi qaza tapty

2022 jyldyń 28 qańtar 2022 11:33

DÝShANBE. HOVAR-QazAqparat – Qyrǵyzstan men Tájikstan shekarasyndaǵy qaqtyǵys saldarynan tájik tarapynan 10 adam jaraqat aldy. Sonyń altaýy áskerı qyzmetshi jáne tórteýi jergilikti turǵyn. Bul týral QazAqparat Hovar agenttigine silteme jasap habarlaıdy.

Sonymen qatar, Tájikstan Respýblıkasynyń eki azamaty – 1986 jylǵy Týıchıev Obıddjon, Hodjaı Alo aýylynyń turǵyny qyrǵyz áskerı qyzmetshileri atqan mınomet snarıadynyń aýlasynda jarylýy kezinde mert boldy, sondaı-aq 1964 jylǵy Sharıpov Abdýlatıf Rabıevıch Isfary qalalyq aýrýhanasy alǵashqy medıtsınalyq kómek bóliminiń júrgizýshisi qyrǵyz tarapynan atylǵan mınomet jarylysynan Hodjaı Alo aýylynyń turǵyndaryn qutqarý kezinde qaza tapty.

2022 jyldyń 28 qańtarynda saǵat 01:00-de Isfary qalasy Sýrh aýyldyq djamoaty aýmaǵynda Tájikstan men Qyrǵyzstan jaýapty organdarynyń jumys toby kezdesti.

Taraptar qarýly shekara qaqtyǵysyn talqylap, 2022 jyldyń 28 qańtary saǵat 08:00-ge deıin barlyq qosymsha kúshter men tehnıkany qaıtarǵanǵa deıin oq atýdy toqtatý týraly sheshimge keldi. Qazirgi ýaqytta Tájikstan men Qyrǵyzstan shekarasyndaǵy jaǵdaı turaqty. Eki taraptyń komıssııasy birlesip shekaradaǵy qaqtyǵystyń sebebi men faktoryn anyqtap jatyr.

Buǵan deıin Tájikstanmen shekarada jeti qyrǵyzstandyqtyń zardap shekkeni habarlanǵan edi.


Basty sózder: Tájikstan, Qyrǵyzstan,
Joǵary qaraı