Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrǵyzstandaǵy jaǵdaı: Qoǵamdyq keńes memlekettik obektilerdi reıderlik basyp alýdy toqtatý týraly aıtty

2020 jyldyń 8 qazan 2020 00:05

BІShKEK. QazAqparat – Qyrǵyz Respýblıkasynyń Úkimeti janyndaǵy Qoǵamdyq keńes jáne memlekettik múlikti basqarý jónindegi qordyń ujymy barlyq saıası toptar men Qyrǵyz halqyna memlekettik obektilerdi reıderlik basyp alýdy toqtatýdy ótindi. Bul týraly Kabar agenttigine silteme jasap QazAqparat habarlaıdy.

«Qazirgi ýaqytta Qyrǵyzstanda saıası daǵdarys pen eldegi jaǵdaıdy turaqtandyrý protsesi júrip jatyr. Alaıda, osy qıyn-qystaý kezeńde memleket menshigindegi memlekettik kompanııalardy, kásiporyndardy zańsyz basyp alý áreketteri bastaldy. Durys baǵyttaǵy saıası kúshter men belsendi azamattyq qoǵam eldegi zańdylyq pen tártipti ornatýǵa tyrysqan kezde, keıbir destrýktıvti kúshter saıasatkerlerdiń, saıası partııalardyń jáne qylmystyq avtorıtetterdiń atyn jamylyp, memlekettik nysandardy basyp alýǵa tyrysýda. Kóptegen jerlerde tonaý, urlaý jáne reıderlik basyp alý protsesi júrip jatyr», - dedi vedomstvo.

Osy jaǵdaıǵa baılanysty Qoǵamdyq keńes jáne memlekettik múlikti basqarý qory mynany habarlady:

«Qyrǵyz Respýblıkasynyń legıtımdi jáne zańdy úkimeti qurylǵanǵa deıin memlekettiń qatysý úlesi bar aktsıonerlik qoǵam (AQ) mem memlekettik kásiporyndaryń (MK) barlyq basshylary mindetin ýaqytsha atqarýshy mártebesinde qaldyrylsyn. Ózin memlekettik obektiniń basshysy retinde taǵaıyndaǵandar,reıderlik basyp alýdy jasaǵandar, alaıaq dep aıyptalyp, Qyrǵyzstan zańnamasynyń normalaryna sáıkes jaýapqa tartylady».

Aıta ketsek, buǵan deıin «Bishkeksýýkanaly» óndiristik-paıdalaný basqarmasynyń (ÓPB) strategııalyq mańyzdy nysanyn reıderlik jolmen basyp alýǵa daıyndyq júrýde ekenin habarlady.

Sonymen qatar, 6 qazan kúni «Kyrgyzkómúr» memlekettik kásipornynyń Kara-Keche fılıalyn 100-ge jýyq belgisiz adam basyp alǵan. Kómir kenine shabýyldy qylmys áleminde «Saıaq» laqap aty bar M. Qadyrqulov uıymdastyrǵan. Olar kómir satýdan túsken 1,5 mln-ǵa jýyq somdy (8,13 mln teńge shamasynda) fılıaldyń kassa qyzmetkerlerinen tartyp alǵan.

Eske salsaq, 4 qazan kúni Qyrǵyzstanda Jogorký Keneshke depýtattardy saılaý ótti. Depýtattyq mandatqa 16 partııa úmitkerlik etti. Daýys berýdiń aldyn ala málimeti boıynshy, 7% mejeni 4 partııa eńserdi.

5 qazan kúni saılaý nátıjesine kóńili tolmaǵan bir top adam ortalyq alańda mıtıng uıymdastyryp, odan keıin Aq úıge bettedi. Olardy tarqatý úshin mılıtsııa kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boıynsha, aýrýhanaǵa zardap shekken 16 adam jetkizilgen. Keıingi málimet boıynsha, zardap shekken adamdar sany 911-ge jetti.


Perevod Saıagúl Jarylqasyn
Basty sózder: Qyrǵyzstan, Álem, Oqıǵa,
Joǵary qaraı