Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyrǵyzstanda júk kóligi shekara beketine soǵylyp, 8 adam kóz jumdy

2022 jyldyń 22 mamyr 2022 02:56

BІShKEK. KABAR-QazAqparat - Qyrǵyzstannyń Batken oblysy Kadamjaı aýdanynda «Chechme» baqylaý-ótkizý beketinde iri kólik apaty bolyp, 8 adam mert boldy, dep habarlaıdy QazAqparat «Kabar» agenttigine silteme jasap.

Qyrǵyz Respýblıkasy Tótenshe jaǵdaılar mınıstrliginiń málimetinshe, apat senbi kúni 16:00 shamasynda Aıdarken qalasynyń mańyndaǵy Chechme aýylynda bolǵan.

Aldyn ala málimet boıynsha, ekskavator tıep alyp kele jatqan «Hovo» markaly traldyń júrgizýshisi rólge ıe bola almaı qalyp, shekara beketine jáne jeńil kólikterge soǵylǵan. Apat saldarynan 8 adam qaıtys boldy, onyń ekeýi - TJM qyzmetkeri.

Oqıǵa ornynda Kadamjaı aýdandyq TJM bóliminiń 18 qyzmetshisi jumys istep jatyr. Oqıǵanyń mán-jaıy anyqtalýda.

Avtor Erbol Janat
Basty sózder: Oqıǵa, Qyrǵyzstan,
Joǵary qaraı