Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrǵyzstanda qazaq kınosynyń kúnderi bastaldy

2021 jyldyń 7 qazan 2021 21:59

BІShKEK. QazAqparat - Bishkekte Qazaqstannyń Qyrǵyz Respýblıkasyndaǵy Mádenıet kúnderi aıasynda qazaq kınosynyń kúnderi bastaldy. Bul týraly QazAqparat Mádenıt mınıstrigine silteme jasap habarlaıdy.

Búgin Bishkekte Qazaqstannyń Qyrǵyz Respýblıkasyndaǵy Mádenıet kúnderi aıasynda qazaq kınosynyń kúnderi bastaldy. Іs-sharaǵa Qazaqstan Respýblıkasynyń Mádenıet jáne sport mınıstri Aqtoty Raıymqulova men Qyrǵyz Respýblıkasynyń Mádenıet, aqparat, sport jáne jastar saıasaty mınıstri Qaırat Imanalıev pen eki memlekettiń kınogerleri qatysty.

Aqtoty Raıymqulova Qazaqstan men Qyrǵyzstan arasyndaǵy qarym-qatynastardyń tamyry tereńde ekenin, Táýelsizdik alǵan jyldary jańasha qarqynmen damyp kele jatqanyn, halyqtar arasyndaǵy dástúrli baýyrlastyq baılanystar barlyq baǵytta dáıekti túrde damý ústinde ekenin aıtty.

«Qyrǵyzstannyń kóptegen tanymal kınematografısiniń shyǵarmashylyǵy Qazaqstanmen, atap aıtqanda Sháken Aımanov atyndaǵy «Qazaqfılm» kınostýdııasymen tyǵyz baılanysty ekenin bárimiz bilemiz. 1968 jyly jas rejısser Bolot Shámshıev halqymyzdyń zańǵar jazýshysy Muhtar Áýezovtiń «Qarash asýyndaǵy atys» týyndysy jelisinde fılm túsirip, osy bir keremet jumysymen kórermenderdiń joǵary baǵasyn aldy. Sonymen qatar Bolot Shámshıev túsirgen qazaq halqynyń qaısar qyzy, Keńes Odaǵynyń Batyry Álııa Moldaǵulovanyń erligin arqaý etken «Mergender» fılmi qazaq kınematografynyń altyn qoryna qosyldy. Bul kıno kúni búginge deıin ekrannan túspeı, kórsetilip keledi. Aıta bersek, mundaı mysaldar óte kóp. Qyrǵyzstanda qazaq kınosynyń kúnderin uıymdastyrý bizdiń elderimizdiń arasyndaǵy kınoındýstrııa salasyndaǵy ózara baılanystardyń birlesip órkendeýi men damýyna serpin beretinine senimdimin»,-dedi.










Aıta keteıik, «Manas» kıonoteatrynda bastalǵan qazaq kınosynyń kúnderi 9 qazanǵa deıin jalǵasady. Kórermender nazaryna Rústem Ábdirashevtiń «Almas qylysh», Aqan Sataevtyń «Tomırıs», «Jaý júrek myń bala», «Anaǵa aparar jol», «Qazaq handyǵy. Altyn taq» fılmderi men Turdybek Maıdan men Tilek Tóleýǵazynyń «Muzbalaq», Adaı Ábildınovtiń «Kúltegin» anımatsııalyq fılmi usynylady.















Joǵary qaraı