Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyrǵyzstanda qar jaýyp, kólik qozǵalysy qıyndady

2022 jyldyń 23 mamyr 2022 08:21

BІShKEK. QABAR-QazAqparat – Qyrǵyzstan asýlarynda qar jaýyp jatyr. Saldarynan joldardy qar basyp, kólik qozǵalysy qıyndady. Bul týraly eldiń Kólik jáne kommýnıkatsııa mınıstrliginiń baspasóz qyzmeti eskertti, dep habarlaıdy QazAqparat Kabar agenttigine silteme jasap.

«Bishkek-Osh-Too-Ashýý, Ala-Bel, Kók-Bel, sondaı-aq Otmok avtojoldarynyń bıik asýdan ótetin tustarynda, Talas-Taraz-Sýýsamyr jáne basqa da tasjoldarda qar jaýyp jatyr, tıisinshe qar úıindisi paıda boldy», - delingen habarlamada.

Kólik mınıstrliginiń jol paıdalaný mekemesi qyzmetkerleri joldardyń joǵaryda atalǵan ýchaskelerine taıyp ketýden qorǵaıtyn ınertti materıaldardy seýip jatyr.

«Qalyptasqan jaǵdaıdy eskere otyryp, jasandy keptelis týdyrmas úshin júrgizýshilerge qysqy dóńgelegi bar kóliktermen asýlarǵa shyqpaýǵa keńes beremiz. Sondaı-aq, jol-kólik oqıǵalarynyń aldyn alý maqsatynda avtojoldardaǵy tıisti jyldamdyq rejımin saqtaý qajet», - dep atap ótti vedomstvo.


Basty sózder: Álem, Aýa raıy, Jol, Oqıǵa, Qyrǵyzstan,
Joǵary qaraı