Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyrǵyzstan turǵyny Almatydaǵy mıtıngige qalaı tap bolǵany týraly: 90 myń teńge usyndy

2022 jyldyń 9 qańtar 2022 11:42

NUR-SULTAN. QazAqparat – Qyrǵyzstan turǵyny Almatydaǵy mıtıngige qalaı tap bolǵanyn aıtty, dep habarlaıdy QazAqparat tilshisi.

Qazaqstan teleranasynda Qyrǵyzstan turǵynyń Almatydaǵy mıtıngige qatysý úshin 90 myń teńge aqsha usynylǵany týraly vıdeo kórsetildi.


«1 qańtar kúni maǵan beıtanys adamdar qońyraý shalyp, 90 myń teńge beretinderin aıtyp, mıtıngige qatysýdy usyndy. Men Qyrǵyzstanda jumyssyz júrgendikten kelistim. Olar maǵan bılet satyp áperdi de, 2 qańtar kúni Almatyǵa ushyp keldim. Meni olar páterge alyp bardy. Onda Tájikstan, Ózbekstan azamattary da bar eken. Olardyń sózderin túsingen joqpyn. Mıtıng bastalǵan kezde qorqyp ketip, páterge qaıtyp keldim. Sonda túnep, kelesi kúni úıge qaıtýǵa bekindim. Biraq meni Samsy aýylynda áskerıler ustap aldy. Páterde 10-ǵa jýyq adam bolǵan shyǵar», -dep eske alady aty-jóni kórsetilmegen beıtanys adam.

Eske salsaq, QR Іshki ister mınıstriniń mindetin atqarýshy Erlan Turǵymbaev: Almatydaǵy oqıǵalarǵa baılanysty 125 sotqa deıingi tergeý bastalǵanyn aıtqan bolatyn.

«Bılik ókilderine qatysty kúsh qoldaný, buzaqylyq, kisi óltirý, sondaı-aq qaraqshylyq shabýyldar men urlyqtyń barlyq faktileri boıynsha sotqa 125 deıingi tergeý bastaldy. 5 myńnan astam adam ustaldy», - dedi mınıstrdiń mindetin atqarýshy.


Joǵary qaraı