Qyrǵyzstan: Sadyr Japarovtyń ulyqtaý rásimi 28 qańtarda ótedi
NUR-SULTAN. QazAqparat – Qyrǵyzstan prezıdentiniń mindetterin atqarýshy, Jogorký Kenesh tóraǵasy Talant Mamytov «Qyrǵyzstan respýblıkasynyń qaıta saılanǵan prezıdentiniń qyzmetke kirisýine baılanysty saltanatty rásimge daıyndalý jáne ótkizý týraly» Jarlyqqa qol qoıdy. Bul týraly QazAqparat «Kabar» aqparattyq agenttigine silteme jasap habarlaıdy.
Jarlyqqa sáıkes, jańadan saılanǵan prezıdenttiń qyzmetke kirisýine baılanysty 2021 jyldyń 28 qańtarynda ótetin saltanatty rásimge daıarlyq jáne ony ótkizý jónindegi uıymdastyrý komıteti quryldy.
Keshe QR Ortalyq saılaý komıteti Qyrǵyzstan respýblıkasy prezıdentin merzimge deıin saılaý qorytyndylary týraly hattamany bekitti. Daýys berý qorytyndylaryna sáıkes, QR prezıdenti qyzmetine kandıdat Sadyr Japarov 1 105 248 (79,20 paıyz) daýys jınady, bul saılaýǵa qatysqan saılaýshylardyń jartysynan kóbin qurap otyr.
