Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyrǵyzstan men Tájikstan shekarasynda qaqtyǵys kezinde 7 qyrǵyzstandyq zardap shekti

2022 jyldyń 28 qańtar 2022 10:51

BІShKEK. KABAR – QazAqparat – Qyrǵyzstan Respýblıkasy Densaýlyq saqtaý mınıstrliginiń málimetinshe, Qyrǵyzstan men Tájikstan shekarasyndaǵy qaqtyǵys kezinde jeti adam zardap shekken. Bul týraly QazAqparat Kabar agenttigine silteme jasap habarlaıdy.

Batken oblysyndaǵy aýrýhanaǵa taǵy úsh zardap shegýshi jetkizildi. Ekeýi túrli jaraqat alǵan, taǵy bireýine oq tıgen. Zardap shegýshilerdiń jaǵdaıy ortasha aýyr. Barlyǵy 7 adam zardap shekti.

Buǵan deıin Qyrǵyzstannyń MUQK Shekara qyzmetinen habarlanǵandaı, Tájikstannyń shekarashylary 27 qańtarda saǵat 17:30-dan 18:00-ge deıin Qyrǵyzstannyń Batken aýdany Tórt-Kóchó eldi mekenindegi Batken-Isfana jol ýchaskesin jaýyp tastaǵan. Oqıǵa ornyna Qyrǵyzstan MUQK ShQ Batken oblystyq basqarmasynyń bastyǵy, polkovnık Kyıalbek Tolonbaev pen Batken shekara jasaǵynyń bastyǵy polkovnık Rýstam Mırshakırov barǵan. Kelissózder nátıjesinde jol ýchaskesi 19:30-da qaıta ashyldy.

«Alaıda, 19:35-te tájik tarapy Batken aýdany Chyr-Dobo eldi mekeninde Qyrǵyzstan MUQK ShQ shekara jasaǵyna qarsy qarý qoldanyp, oq atýyna baılanysty jaǵdaı qıyndaǵan. Qyrǵyzstan men Tájikstan shekara jasaǵy arasyndaǵy negizgi qaqtyǵys Tort-Kocho men Chyr-Dobo eldi mekenderinde júrip jatyr. Tájikstan tarapy mınometter men granatomet qoldanýda», - dedi Qyrǵyzstan Shekara qyzmetinen.

2022 jyldyń 28 qańtaryndaǵy saǵat 08:00-degi jaǵdaı boıynsha, Qyrǵyzstan-Tájikstan shekarasyndaǵy Samarkandyk, Tórt-Kóchó, Kók-Tash, Dahma, Kóchó-Boıý men Golovnoı eldi mekenderinde jaǵdaı turaqty dep habarlandy.


Basty sózder: Qyrǵyzstan, Tájikstan, Oqıǵa,
Joǵary qaraı