Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyrǵyz bıznesmenderi AHQO alańynyń múmkindikterine qyzyǵýshylyq tanytty

2021 jyldyń 15 qazan 2021 10:17

NUR-SULTAN. QazAqparat - Qazaqstan Respýblıkasy Prezıdenti Qasym-Jomart Toqaev pen Qyrǵyz Respýblıkasy Prezıdenti Sadyr Japarovtyń «Astana» halyqaralyq qarjy ortalyǵy alańyn paıdalaný týraly kelisimin júzege asyrý maqsatynda Qyrǵyz Respýblıkasynyń iri qarjy uıymdary men ınstıtýttarynyń 20 jetekshisinen turatyn bıznes-delegatsııa AHQO-ǵa keldi. Bul týraly QazAqparat Qarjy ortalyǵynyń baspasóz qyzmetine silteme jasap habarlaıdy.

Sapar aıasynda AHQO men Qyrǵyzstan Bankteri Odaǵy, Amerıka saýda-ónerkásip palatasy, Halyqaralyq Іskerlik Keńes, Reseı-Qyrǵyz Damý Qory arasynda AHQO alańynyń múmkindikterin paıdalana otyryp Qyrǵyz Respýblıkasyna ınvestıtsııa tartý men kapıtal naryǵyn damytý boıynsha yntymaqtastyq týraly kelisimderge qol qoıyldy. Budan bólek qundy qaǵazdar men venchýrli ınvestıtsııany, ınnovatsııany, tsıfrlandyrý men elektrondy kommertsııany damytý týraly kelisimderge qol jetkizildi. Ásirese taraptar AHQO alańy arqyly perspektıvaly jobalarǵa, sonyń ishinde ınnovatsııalyq jáne qarjylyq ıdeıalar men startaptarǵa baǵyttalǵan ekologılyq jáne áleýmettik jobalarǵa ınvestıtsııa tartý boıynsha jumystarǵa erekshe kóńil aýdarýǵa nıetti.

Sonymen qatar AHQO lıtsenzııasyn alǵan alǵashqy qazaqstandyq venchýrli kompanııa MOST Ventures ben AHQO qarjy tehnologııasy salasnydaǵy qatysýshy qyrǵyzstandyq Namba Group kompanııasy arasynda birinshi raýndta 1 mln AQSh dollary kóleminde qarjylandyrý týraly kelisimge qol qoıyldy.

Qyrǵyz Respýblıkasy delegatsııasy AHQO Soty men Halyqaralyq Tórelik ortalyǵy, Qarjy qyzmetterin retteý komıteti, Islamdyq qarjy jáne bıznes haby, Jasyl qarjy ortalyǵy, Ekspat ortalyq, AHQO bırjasy, Úzdiksiz kásibı damý bıýrosy men AHQO Teh haby jumystarymen tanysty.

Buǵan deıin AHQO delegatsııasy qarjy naryǵymen tanysý jáne ınvestıtsııalyq ónim men qyzmetterdi zertteý, sonymen qatar AHQO artyqshylyqtaryn tanystyrý maqsatynda Bishkekke barǵan edi. Sapar barysynda memlekettik jáne jeke menshik qurylymdar ókilderimen kezdesýler ótip, nátıjesinde AHQO Ákimshiligi men Qyrǵyz Respýblıkasy Investıtsııa mınıstrligi arasynda, sonymen qatar «Optıma Bankpen» ınvestıtsııa tartý, qundy qaǵaz naryǵyn damytý, venchýrli, jasyl jáne ıslamdyq qarjylandyrýdy jáne kadrlyq potentsıaldy damytý úshin halyqaralyq sertıfıkatsııa múmkindikterin keńeıtýge baǵyttalǵan birlesken jobalardy iske asyrý boıynsha yntymaqtastyq týraly kelisimge qol jetkizilgen edi.





Joǵary qaraı