Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qylmystyq-atqarý júıesi medıtsınalyq qamtamasyz etý qyzmeti DSM-ǵa beriledi

2021 jyldyń 26 shilde 2021 13:32

NUR-SULTAN. QazAqparat – QR Іshki ister mınıstrliginiń tergeý ızolıatorlary men qylmystyq-atqarý júıesi mekemelerinde ustalatyn adamdardy medıtsınalyq qamtamasyz etý salasyndaǵy memlekettik saıasatty úılestirý jónindegi fýnktsııalar men ókilettikter tolyǵymen Densaýlyq saqtaý mınıstrligine beriledi. Bul týraly QR Іshki ister mınıstrliginiń ókili Shuǵyla Berikqyzy málim etti, dep habarlaıdy QazAqparat tilshisi.

Memleket basysy Qasym-Jomart Toqaev 19 shildede «Qazaqstan Respýblıkasynyń memlekettik basqarý júıesin jetildirý jónindegi sharalar týraly» Jarlyqqa qol qoıdy.

«Jarlyqqa sáıkes ІІM-niń tergeý ızolıatorlary men qylmystyq-atqarý júıesi mekemelerinde ustalatyn adamdardy medıtsınalyq qamtamasyz etý salasyndaǵy memlekettik saıasatty úılestirý jónindegi fýnktsııalar men ókilettikter tolyǵymen Densaýlyq saqtaý mınıstrligine beriledi», - dedi Sh. Berikqyzy ІІM-de onlaın ótken baspasóz máslıhatynda.

Buǵan deıin ІІM-niń keńeıtilgen alqa otyrysynda Memleket basshysy otandyq penıtentsıarlyq júıeniń jaǵdaıyn jaqsartý qajettigin aıtqan bolatyn.

Osyǵan baılanysty ІІM Qylmystyq-atqarý júıesiniń barlyq reformalarynyń negizgi basymdyqtary, birinshi kezekte, adam quqyqtaryn saqtaý men qorǵaýdy, sottalǵandardy ustaýdyń jaǵdaılaryn jaqsartýdy, penıtentsıarlyq ınfraqurylymdy jańǵyrtýdy aıqyndady.

«Іshki ister mınıstrligin tán emes fýnktsııalardan bosatý jáne penıtentsıarlyq júıeni jańǵyrtý jónindegi reforma sheńberinde sottalǵandardy medıtsınalyq qamtamasyz etý fýnktsııalaryn Densaýlyq saqtaý mınıstrliginiń qaramaǵyna berý zertteýdiń, dıagnostıkanyń jáne emdeýdiń qazirgi zamanǵy ádisterine keńinen qol jetkizýge múmkindik beredi. Sondaı-aq, medıtsına qyzmetkerleri mekemelerdiń ákimshiligine táýeldi bolmaıdy, bul bolýy múmkin zańsyz áreketterdi jasyrýdy joıady», – dep atap ótken edi Іshki ister mınıstri Erlan Turǵymbaev.

QAJ-daǵy medıtsınalyq qamtamasyz etý júıesi qyzmetter resýrstary, sapasy jáne baqylaý turǵysynan azamattyq sektordyń medıtsınalyq qyzmet kórsetýmen teń jaǵdaıda emes ekenin atap ótken jón.

Negizgi másele – medıtsına qyzmetkerleriniń jetispeýshiligi, bul rette QAJ mekemeleriniń medıtsına qyzmetkerleriniń jalaqysy densaýlyq saqtaýdyń azamattyq sektoryndaǵy medıtsına qyzmetkerleriniń jalaqysymen salystyrǵanda áldeqaıda tómen.

Sondaı-aq, azamattyq densaýlyq saqtaý salasynda aıtarlyqtaı materıaldyq-tehnıkalyq baza jáne praktıkalyq tájirıbesi mol bilikti medıtsına mamandary bar.

Osyǵan baılanysty, Quqyq qorǵaý jáne sot júıelerin reformalaý jónindegi komıssııa ІІM-niń QAJ mekemelerinde ustalatyn adamdardy medıtsınalyq qamtamasyz etýdi Densaýlyq saqtaý mınıstrliginiń qaramaǵyna berý týraly usynysyn qoldady.

Bul shara bas bostandyǵynan aıyrý oryndarynda jazasyn ótep jatqan adamdardy medıtsınalyq qamtamasyz etýdi halyqaralyq standarttarǵa sáıkes keltirýge múmkindik beredi.

Óz kezeginde halyqaralyq sarapshylar men quqyq qorǵaýshylar ІІM-niń qylmystyq-atqarý júıesin reformalaý aıasynda jasaǵan kezekti qadamyn joǵary baǵalady.

«Uıymnyń Bas Assambleıasy qabyldaǵan BUU-nyń eń tómengi standartty erejelerine sáıkes, sottalǵandar qoǵamda bar medıtsınalyq-sanıtarlyq qyzmet kórsetý standarttarymen qamtamasyz etilýi kerek. Sondyqtan, kúzetpen ustalatyn adamdardy medıtsınalyq qamtamasyz etý fýnktsııalaryn azamattyq vedomstvoǵa berý – bul shyn máninde Qazaqstandaǵy mańyzdy tarıhı oqıǵa», – dep Ortalyq Azııadaǵy PRI ókildiginiń basshysy Janna Nazarova atap ótip, Qazaqstan Respýblıkasy ІІM-niń penıtentsıarlyq júıe salasyndaǵy jumysyn erekshe baǵalady.


Joǵary qaraı