Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qylmys jasaǵan 3 sheteldik Jambyl oblysynda jasyrynyp júrgen

2021 jyldyń 26 qazan 2021 15:34

TARAZ. QazAqparat – Jambyl oblysynda «Zańsyz kóship-qonýshy» jedel-aldyn alý is-sharasy barysynda qylmys jasaǵan 3 sheteldik azamat anyqtaldy, dep habarlaıdy QazAqparat tilshisi.

Bir aptaǵa sozylǵan reıd qorytyndysy boıynsha Jambyl oblysy kóshi-qon qyzmetiniń qyzmetkerleri 435 sheteldik azamatty, onyń ishinde TMD-nyń 430 jáne alys shet memleketterdiń 5 azamatyn ákimshilik jaýapkershilikke tartty.

«Olardyń arasynda 231 sheteldiktiń nemese azamattyǵy joq adamnyń Qazaqstan Respýblıkasynyń kóshi-qony salasyndaǵy zańnamasyn buzǵandyǵy tirkelse, 37 sheteldik azamat sot sheshimimen Qazaqstan aýmaǵynan tys jerlerge shyǵaryldy. Sondaı-aq, sheteldik jumys kúshin QR zańnamasyn buza otyryp jumysqa tartqany úshin 13 derek anyqtalyp, izdeýde júrgen 3 qylmysker ustaldy», - delingen Jambyl oblysy Polıtsııa departamentiniń habarlamasynda.

Polıtsııa departamenti QR aýmaǵynda bolýǵa ruqsat etilgen merzim ótip ketken jaǵdaıda, sheteldikter kóshi-qon qyzmetine júginip, quqyqtyq mártebelerin retteýi qajettigin eskertedi.


Joǵary qaraı