Aýa raıy
Astana 12 °S
Almaty 26 °S
valıýta baǵamy
USD 412.55
EUR 468.66
RUB 5.79
CNY 58.80

KVI boıynsha jańa statıstıkanyń artyqshylyǵy nede – Tsoıdyń jaýaby

2020 jyldyń 3 tamyz 2020 12:00

NUR-SULTAN. QazAqparat – Densaýlyq saqtaý mınıstri Alekseı Tsoı Qazaqstanda koronavırýs ınfektsııasyn juqtyrýdyń jaǵdaılaryn tirkeý boıynsha jańa statıstıkasynyń artyqshylyqtaryn atady, dep habarlaıdy QazAqparat tilshisi.

«Biz Dúnıejúzilik densaýlyq saqtaý uıymynyń Eýropa boıynsha aımaqtyq bıýrosymen birqatar tehnıkalyq konsýltatsııalar ótkizip, aýrýlardyń kodtarynyń jańa halyqaralyq jiktelýi boıynsha COVID-19 jaǵdaılaryn kodtaýǵa jáne esepke alýǵa kóshtik. 1 tamyzdan bastap zerthanalyq rastalǵan COVID-19 jaǵdaılary, sonyń ishinde PTR teris nátıjesi bar pnevmonııa jaǵdaılary biriktirildi. Bul neni bildiredi? Koronavırýs jaǵdaılaryn kodtaý algorıtmine sáıkes, biz qazir U07.1 kodyn rastalǵan jaǵdaılar úshin, al U07.2 kodyn rastalmaǵan nemese yqtımal jaǵdaılar kezdeskende qoldanamyz. Bul degenimiz, birinshi jáne ekinshi kodtary bar patsıentter COVID-19 aýrýyna shaldyqqan adam retinde tirkeletinin bildiredi», - dedi Alekseı Tsoı OKQ-da ótken baspasóz máslıhatynda.

Mınıstrdiń aıtýynsha, birinshi kodtyń anyqtamasy óte aıqyn.

«Biraq U07.2 kody bolǵan jaǵdaıda koronavırýs ınfektsııasy epıdemıologııalyq belgilerine baılanysty, ıaǵnı patsıent aýrý juqtyrǵan adamdarmen baılanysta bolǵan kezde, sondaı-aq dene qyzýy, qurǵaq jótel, ıntoksıkatsııa, tynys alý jetkiliksizdiginiń belgileri sııaqty klınıkalyq belgilerine qaraı aıqyndalady», - dedi ol.

Onyń aıtýynsha, bul ádis aýrýǵa qatysty ahýaldy durys boljam-bilýge, qajetti resýrstardy, medıtsınalyq kadrlar men tósek oryndardy, medıtsınalyq buıymdardy, dári-dármekti durys josparlap, statıstıkanyń ashyqtyǵyn qamtamasyz etýge múmkindik beredi.


Joǵary qaraı