Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Quzyrly organdar qaıǵyly jaǵdaıda qaıtys bolǵandardyń sanyn ashyq ári jarııa berip jatyr - Erlan Saırov

2022 jyldyń 16 qańtar 2022 14:48

NUR-SULTAN. QazAqparat – Elimizdegi Almatydaǵydaı tragedııa qaıtalanbas úshin qolda bardyń bárin isteýimiz kerek. Bul týraly Májilis depýtaty Erlan Saırov málim etti, dep habarlaıdy QazAqparat tilshisi.

«Qazir elimizdiń Bas prokýratýrasynyń ókili «Qańtar qasireti» saldary, qaıǵyly qaza bolǵan jandardyń resmı sanyn jarııalady. Ókimet organdary Prezıdenttiń tapsyrmasyna oraı, qaıǵyly jaǵdaıda qaıtys bolǵan barsha azamattardyń sanyn ashyq, jarııa jazyp jatyr. Bul durys ustanym dep oılaımyn. Qansha janǵa qıyn, júrekke aýyr bolsa da hronologııany qaıtalaýdy jón kórip otyrmyn. Almatydaǵy 5-6 qańtar qaıǵyly kúnderi ekstremıstter Almaty áýejaıyna, «Kóktóbe» telekeshenine, Shekarashylar akademııasyna, Almaty ІІB birneshe márte qarýly shabýyl jasaǵan. Osy kúnderi Jambyl, Qyzylorda, Shymkent, Aqtóbe, Taldyqorǵan, Óskemen, Semeı ákimdikterine bir ýaqytta shabýyl jasalǵan. Nátıjesinde 4578 adam jaraqat alǵan, olardyń basym kópshiligi quqyq qorǵaý organdarynyń ókilderi. 225- adam qaza bolǵan. Olardyń ishinde 19-quqyq qorǵaý ókilderi, memorgandarǵa shabýyl jasaǵandar, baıqaýsyzda oq astyna ushqandar da joq emes...», - dep jazdy E. Saırov áleýmettik jelidegi paraqshasynda.

Osy oraıda ol mundaı tragedııa qaıtalanbas úshin barlyq qajetti qadamdardy iske asyrý kerek ekenin atap ótti.

«Óte aýyr jaǵdaı, bul azamattar bizdiń týǵan-týys, kórshi-qolań! Barshamyzǵa qaıǵyra kóńil aıtamyn! Ultqa qastandyq, memlekettik tóńkeris jaǵdaıynda, Memleket basshysy halqymyzdyń ómirin qorǵaýǵa ýaqtyly sheshimder qabyldamaǵanda qurbandar sany budan da zor bolýy yqtımal edi. Osyndaı tragedııa qaıtalanbas úshin qolda bardyń bárin isteýimiz mindet... Bolashaqta mundaı qazaly aqparatty jetkizbeýge jazsyn... Elimiz aman, jurtymyz tynysh bolsyn! Dál qazir barlyǵymyzǵa sabyr, salqynqandylyq, aqyl-oı, tereń túsinik jáne paıym qajet sııaqty. Elimizge tynyshtyq, ultymyzǵa birlik, qarǵa tamyrly qazaǵymyzǵa beıbit ǵumyr men ashyq aspan bersin! Bizdiń birlik, yntymaq, yqpaldastyǵymyz arta bersin! Mundaı aýyr kezeńnen tek jumylǵan tas judyryq bolyp birigip qana shyǵa alamyz. Búkil halqymyzdyń aldynda osynaý tragedııa úshin basymdy ıemin!», - dep túıindedi sózin depýtat.

Budan buryn habarlanǵandaı, Bas prokýratýra tártipsizdikter men terrorıstik shabýyldan qaza bolǵandardyń jalpy sanyn atady.

«Adam shyǵyny bolǵan oqıǵalardy tergep, tekserýge erekshe nazar aýdarylýda. Búgingi kúni 4578 jábirlenýshi anyqtaldy. Onyń 4353-i jaralandy. Onyń ishinde 3393 quqyq qorǵaý organdarynyń qyzmetkerleri. Tótenshe jaǵdaı kezinde morgterge qazaq tapqan 225 adam jetkizildi. Olardyń bir bóligi teraktilerge qatysqan, ǵımarttar men quqyq qorǵaý qyzmetkelerine shabýyl jasaǵan qarýly bandıtter. Qaza bolǵandardyń ishinde 19 polıtsııa jáne ásker qyzmetkerleri de bar. Atalǵan derekter aldyn ala sıpatta. Olar áli naqtylanyp jatyr, ózgerýi de múmkin. Degenmen, árbir fakt muqııat tekseriledi, nátıjesi boıynsha quqyqtyq baǵa beriledi», - dedi QR Bas prokýratýrasy qylmystyq qýdalaý qyzmetiniń bastyǵy Serik Shalabaev.

Sonymen qatar Bas prokýratýra oqıǵanyń tolyq hronologııasyn jarııalady.


Joǵary qaraı