Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Kúzetshini baılap tastaǵan: Aqmola oblysynda keńseden 23 mln teńge urlandy

2020 jyldyń 25 qazan 2020 16:06

KÓKShETAÝ. QazAqparat – Aqmola oblysynda qaraqshy parfıýmerııa satatyn JShS-nyń kúzetshisin baılap, seıften 23 mıllıon teńge alyp ketken, dep habarlaıdy QazAqparat tilshisi.

Oblystyq Polıtsııa departamentiniń baspasóz qyzmetinen málim etkendeı, qylmys qazannyń 23-de túngi saǵat 03:50 Kókshetaý qalasynda jasalǵan. Bul týraly Kókshetaý qalalyq PB kezekshilik bólimine dabyl sıgnaly iske qosylǵan «Altyn Raýshan» JShS-nyń kúzetshi-operatory habarlaǵan. Oqıǵa ornyna jetken jedel-tergeý toby kúzetshini baılaýly kúıde tapqan.

JShS parfıýmerııa ónimderiniń kóterme jáne bólshek saýdasymen aınalysady.

«Anyqtalǵandaı, maska kıgen beıtanys er adam JShS dırektory kabınetiniń terezesin buzý arqyly keńseniń ishine kirgen. Artynsha, býhǵalterdiń bólmesine enip, metall seıfti buzyp, ondaǵy 23 mıllıon teńgege jýyq aqshany urlap ketken», - deıdi vedomstvodan.

Osyǵan baılanysty polıtsııa QR QK-niń 192-baby 4-bóligi «qaraqshylyq» boıynsha is qozǵap, sotqa deıingi tergeý amaldaryn bastady. Sonymen birge, aýyr qylmysty anyqtaý úshin jedel-tergeý toby quryldy. Oǵan Aqmola oblystyq PD bastyǵy, polıtsııa general-maıory Armanbek Baımýrzın ózi jetekshilik etti.

«Jedel-izdestirý sharasy barysynda qazannyń 24-de elorda mańynda Zerendi aýdanynyń 23 jastaǵy turǵyny ustaldy. Odan 22 mıllıon teńgeden astam aqsha tárkilendi. Kúdikti ýaqytsha ustaý oqshaýlaǵyshyna qamaldy», - dep tolyqtyrdy vedomstvodan.


Joǵary qaraı