Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qutqarýshylar kúni: ShQO-da órt sóndirýshiler krossfıtten jarysqa tústi

2021 jyldyń 19 qazan 2021 07:09

ÓSKEMEN. QazAqparat – Shyǵys Qazaqstan oblysynyń órt sóndirýshileri kásibı mereke qarsańynda krossfıt boıynsha jarysqa tústi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Shemonaıha aýdanynda órt sóndirýshiler arasynda krossfıt ótti. Jarys baǵdarlamasy 2 kezeńdi qamtydy. Jaýyngerlik kıimdi jyldamdyqqa kııý, 24 keli gir, 30 keli ziltemir kóterý jáne zilbalǵamen soqqy jasaý syndy synaqtar boldy. Barlyǵy 4 komanda qatysty.








«Qutqarýshylardyń jumysy fızıkalyq turǵyda aýyr, shydamdylyq pen qaısarlyqty talap etedi. Sońǵy ýaqytta krossfıt sportty qutqarýshylar arasynda keń tanymaldylyqqa ıe boldy. Soǵan oraı erteńgi kásibı mereke qarsańynda osyndaı jarys uıymdastyrylyp otyr», - dedi Shemonaıha aýdandyq TJB bastyǵy Arman Naýryzbaev.

Krossfıt boıynsha kúrdeli jarysta № 1 apattyq-qutqarý jasaǵynyń Artemev jedel vzvodynyń komandasy jeńiske jetti. Shemonaıha qalasynyń №28 ÓSB órt sóndirýshileri ekinshi jáne Verh-Ýba aýylynyń №42 órt sóndirý beketiniń komandasy úshinshi oryndy ıelendi.








Joǵary qaraı