Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qus tumaýy: Pavlodar oblysynda taǵy bir aýylda karantın engizildi

2021 jyldyń 16 qazan 2021 18:02

PAVLODAR. QazAqparat - Pavlodar oblysynyń taǵy bir aýylynda qus tumaýyna baılanysty karantın engizildi.Infektsııa oshaǵynda 20 úı qusynyń kózi joıyldy, dep habarlaıdy Pavlodarnews.kz.

Bul týraly oblystyń veterınarııa basqarmasy habarlady.

Pavlodar aýylynyń veterınarlyq pýnktiniń meńgerýshisine 2021 jyldyń 9 qazanynda úsh qustyń ólgeni týraly jergilikti turǵyn habarlady.
«2021 jylǵy 11 qazanda Veterınarııa boıynsha ulttyq referenttik ortalyqqa patologııalyq materıal jáne qan sarysýynyń eki synamasy iriktelip, zertteý úshin jiberildi. Іriktelip alynǵan synamalar qus tumaýy boıynsha oń nátıje kórsetti», - dep habarlady vedomstvodan
Pavlodar qalasynyń bas veterınarııalyq-sanıtarııalyq ınspektorynyń usynysy boıynsha Pavlodar aýylynyń ákimi joǵary patogendi qus tumaýy boıynsha aýyl turǵynynyń jeke aýlasyna karantın jarııalady.
2021 jyldyń 3-14 qazan aralyǵynda 31 taýyq, 11 qaz jáne 22 kúrketaýyq óldi.
Respýblıkalyq epızootııaǵa qarsy jasaq oshaqta taǵy 20 úı qusyn – 15 taýyq pen 5 qazdy joıdy.
Pavlodar aýyly býferlik aımaq bolyp tabylady, radıýsy 50 km baqylaý aımaǵy bolyp sanalady.
Arnaıy komıssııa bir bas úshin baǵa belgilegennen keıin ıelerine alynǵan qustyń quny óteletin bolady.
Esterińizge sala keteıik, qus tumaýynyń órshýine baılanysty karantın Tereńkól aýdanynyń Berezovka aýylynda engizildi, ol jerde 42 qaz óldi.
Basty sózder: Pavlodar oblysy, Qus tumaýy,
Joǵary qaraı