Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qus tumaýy: Óńirlerge 1 mıllıonnan astam vaktsına taratyldy

2020 jyldyń 24 qyrkúıek 2020 14:50

NUR-SULTAN. QazAqparat – Qus tumaýynyń órshýine baılanysty Qazaqstannyń tórt oblysyna 1 015 518 vaktsına berildi, dep habarlaıdy QazAqparat tilshisi.

Aýyl sharýashylyǵy mınıstrliginiń málimetinshe, qus tumaýyna qarsy vaktsınamen qamtamasyz etý jumystary júrgizilip jatyr.

«Janýarlardyń asa qaýipti aýrýlarynyń aldyn alý boıynsha 2020 jylǵa bekitilgen veterınarııalyq is-sharalar josparyna sáıkes, jyl basynan beri qus tumaýyna qarsy vaktsınalardyń 3 377 900 dozasy taratyldy. Qus tumaýynyń tirkelýine baılanysty respýblıkalyq qordan qosymsha 1 359 148 doza vaktsına bólindi (SQO - 873 myń doza, Qostanaı oblysyna – 21 myń, Pavlodar oblysy – 465 myń doza)», - dep habarlaıdy mınıstrlikten.

Sondaı-aq, 2020 jyldyń 22-23 qyrkúıeginde óńirlerge qosymsha 1 015 518 vaktsına berilgen:

Aqmola oblysy - 510 300 doza;

Qostanaı oblysy - 345 218 doza;

Qaraǵandy oblysy-100 000 doza;

Jambyl oblysy - 60 000 doza.

Sondaı-aq, qosymsha 699 355 vaktsına satyp alynǵan. Olar 1 qazanǵa deıin jetkiziledi.

Eske sala ketsek, búginde qus tumaýy tirkelgen oblystardyń sany jeteý boldy .


Joǵary qaraı