Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Qus eti men jumyrtqa baǵasynyń ósýine jol bermeý qajet – Qumar Aqsaqalov

2020 jyldyń 21 qyrkúıek 2020 23:48

PETROPAVL. QazAqparat – Soltústik Qazaqstan oblysynda jumyrtqa men qus etiniń jetkilikti qory bar. ıAǵnı qus tumaýyna baılanysty ónimniń bul túrlerin qymbattatýǵa negiz joq, dep habarlaıdy QazAqparat tilshisi.

SQO ákimi Qumar Aqsaqalov áleýmettik jelidegi paraqshasynda óńirde qus tumaýyna baılanysty atqarylyp jatqan jumystar jaıynda jazdy. Óńir basshysynyń aıtýynsha, qazir 7 aýdandaǵy 11 eldimeken karantınge jabylǵan. Bul tizimge taǵy 6 aýyl qosylady. Shuǵyl shtab jumys istep jatyr. Aýrý oshaqtary tabylǵan aýmaqtarda dezınfektsııa jasalýda. Respýblıkalyq arnaıy jasaq ólgen qustardy joıýmen aınalysýda. Úı qustaryna ekpe egile bastady. Oblysqa 873 myń doza otandyq vaktsına bólindi.

«Qus tumaýynan ólgen úı qustarynyń ıelerine aqshalaı ótemaqy tólenedi. Bul jumyspen arnaıy qurylǵan komıssııa aınalysýda. Sondaı-aq, qus sharýashylyǵyndaǵy jumys oryndaryn saqtap qalyp, jumyrtqa men qus etiniń baǵasynyń ósýine jol bermeý qajet. Qus fabrıkalarynda jumyrtqanyń qajetti qory bar», - dep jazdy óńir basshysy Qumar Aqsaqalov.

Sondaı-aq oblys ákimi qus ósirýshilerge qulaqqaǵys jasap, úı qustaryn ózen-kólderge shyǵarmaýǵa, qaz-úırekterdi jabyq jerde ustaýǵa keńes berdi.

Joǵary qaraı