Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Kúrshim ózeniniń lastanýynyń jańa faktileri anyqtaldy

2021 jyldyń 21 qazan 2021 11:45

NUR-SULTAN. QazAqparat - Jaqynda áleýmettik jelide Shyǵys Qazaqstan oblysyndaǵy Kúrshim ózeniniń lastanýy týraly beınerolık tarady.

Osyǵan baılanysty, Shyǵys Qazaqstan oblysy boıynsha Ekologııa departamenti jergilikti ІІB jáne prokýratýra qyzmetkerlerimen birlesip oqıǵa ornyna dereý bardy, dep habarlaıdy QazAqparat QR Ekologııa mınıstrliginiń baspasóz qyzmetine silteme jasap.

Kúrshim ózeniniń arnasyn Maraldy aýylyna qaraı tekserý barysynda ózenniń Kıinsý ózeni aǵatyn jerde (Maraldy aýylynan shamamen 12-15 km) lastaný faktisi tirkeldi. Bul rette Kúrshim ózeniniń sýy Kıinsý ózeni aǵatyn jerden joǵarysy, taza. Osyǵan baılanysty jedel top Maraldy aýylynyń mańynda ornalasqan «Maralıhagold» JShS baǵaly metaldardy barlaý jáne óndirý ornyn qarap shyqty.

Júrgizilgen tekserý 2-3 tundyrǵyshta kendi baıytý kezinde buryn paıdalanylǵan sý joq ekenin kórsetti. «Maralıhagold» JShS jumysshylarynyń aıtýynsha, 14 qazanda óndiriste paıdalanylǵan sý «Vasılevskıı» bulaǵyna túsken. Vasılevskıı bulaǵynyń sýy «Býgýl» bulaǵyna quıady, ol Kıynsý ózenine, al ol óz kezeginde Kúrshim ózenine quıady.

«Atalǵan fakti AІІB aqparatty esepke alý kitabynda tirkelgen. Jınalǵan materıal Ekologııa departamenti men Ertis basseındik ınspektsııasyna jiberildi. Qabyldanǵan sharalar týraly aqparat qosymsha habarlanatyn bolady»,-delingen habarlamada.


Joǵary qaraı